मुंबई: 'झांसी की राणी' आणि 'बालवीर' यांसारख्या मालिकांमध्ये झळकलेली अभिनेत्री हिनं बारावीच्या परिक्षेत घवघवीत यश मिळवलं आहे. अनुष्काला ८९.४ टक्के इतके गुण मिळाले असून हा आनंद चाहत्यांसोबत शेअर केला आहे. इन्स्टाग्रामवर स्टोरी शेअर करत अनुष्कानं ही चांगली बातमी चाहत्यांनी दिली. 'मला सांगतना आनंद होतोय की, १२वीच्या परिक्षेत मला ८९.४ टक्के इतके गुण मिळालेत', असं तिनं तिच्या इन्स्टास्टोरीमध्ये म्हटलं आहे. अनुष्कानं दहावीनंतर वाणिज्य शाखेत प्रवेश घेतला होता. शूटिंग सांभाळत तिनं चांगलं यश मिवळलं असल्यानं कुटुंबियांनी देखील तिचं अभिनंदन केलं आहे. अनुष्कानं बालवीक तसंच देवोंके देव महादेव आणि इंटरनेट वाला लव्ह या मालिकांमध्ये काम केलं आहे. तसंच महेंद्रसिंह धोनीसोबत एका जाहिरातीमध्ये ती झळकली होती. सोशल मीडियावरही तिचा मोठा चाहतावर्ग आहे. दरम्यान,केंद्रीय माध्यमिक शिक्षण मंडळ अर्थात बोर्डाच्या बारावीच्या निकालात तब्बल १,५७,९३४ विद्यार्थ्यांना ९० टक्के किंवा त्यापेक्षा अधिक गुण मिळाले आहेत. यापैकी ३८,६८६ विद्यार्थी असे आहेत, ज्यांना ९५ टक्के किंवा त्याहून अधिक गुण मिळाले आहेत! उत्तीर्ण होण्याचे विद्यार्थिनींचे प्रमाण विद्यार्थ्यांपेक्षा अधिक आहे.निकालाची घोषणा होताच सीबीएसईची अधिकृत वेबसाइट क्रॅश झाली. मोट्या प्रमाणात ट्रॅफिक आल्याने वेबसाइटवर ताण आला आणि ती ढेपाळली होती. विद्यार्थ्यांना यामुळे निकाल पाहण्यासाठी मोठा अडसर आला. सोशल मीडियावरदेखील अनेक विद्यार्थ्यांनी याबाबत नाराजी व्यक्त केली होती.
from Marathi Bollywood News, Marathi Cinema News https://ift.tt/30eZu6C
