मुंबई: दिवंगत बॉलिवूड अभिनेता याच्या मृत्यू संबंधित ड्रग्ज प्रकरणामुळे अभिनेत्री गेल्या पंधरा दिवसांपासून भायखळा कारागृहात आहे. मुंबईतील विशेष कोर्टानं तिला सहा ऑक्टोबरपर्यंत न्यायालयीन कोठडी सुनावली आहे. मात्र, रिया आणि तिचा भाऊ शौविक चक्रवर्ती यांनी जामिनासाठी मुंबई उच्च न्यायालयात धाव घेतल्यानंतर जामीन अर्जावर आज उच्च न्यायालयात सुनावणी होणार आहे. जामिनासाठी मुंबई उच्च न्यायालयात धाव घेतल्या नंतर जामीन अर्जात रिया आणि तिचा भाऊ शौविक यांनी निर्दोष असल्याचं म्हटलं आहे. मला आणि माझ्या कुटुंबियांना जाणीवपूर्वक या प्रकरणात ओढलं जात असल्याचं म्हणत रियानं सुशांत्या कुटुंबियांवरही आरोप केले आहेत. सुशांतच्या बहिणींचा त्याच्या पैशांवर आणि संपत्तवर डोळा असल्याची गोष्ट त्याने स्वत: सांगितल्याचा दावा रियानं या अर्जात केला आहे. सुशांतच्या डिप्रेशनबद्दल त्याच्या कुटुंबियांनी पूर्ण माहिती होती. त्याने त्याच्या बहिणींना त्याच्या तब्येतीविषयी कल्पना दिली होती. त्यानंतर २०१९मध्ये त्याच्या बहिणी मुंबईत आल्या आणि त्याला त्यांच्यासोबत घेऊन जाणार होत्या. एका रात्री त्याचं आणि त्यांच्या बहिणींचं संपत्ती, पैशांवरून काही तरी भांडण झालं. त्याच्या बहिणी त्याच्या घरातून हॉटेलमध्ये राहायला गेल्या. त्याच रात्री सुशांतनं रियाला फोन करून सांगितलं होतं, की,त्याच्या बहिणींना त्याचा केवळ पैसा हवा आहे.
from Marathi Bollywood News, Marathi Cinema News https://ift.tt/363foFx
