नवी दिल्ली- समाजवादी पक्षाच्या राज्यसभेच्या खासदार आणि बॉलिवूडमधील ज्येष्ठ अभिनेत्री यांनी मंगळवारी राज्यसभेत सिनेसृष्टीला बदनाम करण्यात येत असल्याचा आरोप केला. यासोबतच लोकसभेत भाजपचे खासदार यांच्यावर नाव न घेता हल्ला चढवत म्हणाल्या की, 'काही लोकांनी अनेक वर्ष सिनेसृष्टीत काम केलं आहे पण आज तेच याला नाव ठेवत आहेत. कृतघ्न आहेत. अनेक संकटांमध्ये सिनेसृष्टी सरकारसोबत वेळोवेळी उभी राहिली आहे.' या प्रकरणावर आता अभिनेत्री कंगना रणौतने आपली प्रतिक्रिया दिली आहे. जेवढी दया बॉलिवूडकरांबद्दल येते तेवढीच दया आमच्याबद्दलही येऊ दे असं म्हटलं. कंगना रणौतने ट्वीट करत स्पष्ट केलं की, 'जया जी, माझ्या जागी तुमच्या मुलीला किशोरवयीन असताना मारहाण केली जाती, नशा करायला भाग पाडलं असतं आणि लैंगिक अत्याचार केले असते तर तेव्हाही तुम्ही हेच बोलला असता का? जर अभिषेकचा सतत छळ केला गेला असता आणि त्याला त्रास दिला गेला असता.. या सगळ्यानंतर एक दिवस जर त्याने आत्महत्या केली असती तर तेव्हाही तुम्ही हेच बोलला असता का? आमच्यावरही काही दया दाखवा.' बॉलिवूडचं नाव खराब करण्याचं षडयंत्र जया बच्चन यांनी मंगळवारी राज्यसभेत सांगितलं की, 'सिनेसृष्टी रोज पाच लाख लोकांना थेट रोजगार देते. मनोरंजन क्षेत्रातील लोकांना सोशल मीडियाच्या माध्यमातून भडकावले जात आहे. याच इण्डस्ट्रीत नाव कमावलेल्या लोकांनी आता याला गटार म्हटलं आहे. मी या मताशी सहमत नाही. मला आशा आहे की सरकार अशा लोकांना अशा पद्धतीची भाषा न वापरण्याचा सल्ला देतील. सिनेसृष्टीत काही लोक खराब असल्यामुळे तुम्ही संपूर्ण सिनेसृष्टीला दोष देऊ शकत नाही. मला लाज वाटते की काल लोकसभेतील एका सदस्याने, जे सिनेसृष्टीतीलच एक भाग आहे त्यांनी याविरूद्ध भाषण केलं. हे फार लाजीरवाणं आहे.' सिनेसृष्टीत प्रत्येकजणच अमली पदार्थांचं सेवन करत नाहीत भाजपचे खासदार रवी किशन म्हणाले की, 'मला आशा होती की जया जी माझ्या मुद्द्याला पाठिंबा देतील. सिनेसृष्टीत प्रत्येकजण अमली पदार्थ घेतात असं नाही. पण जे अमली पदार्थ घेतात ते जगातील सर्वात मोठ्या सिनेसृष्टीला संपवण्याचा कट करत आहेत. जया जी आणि मी जेव्हा या सिनेसृष्टीत आलो तेव्हाची स्थिती वेगळी होती. पण आता आम्हाला सिनेसृष्टीचं संरक्षण करणं गरजेचं आहे.'
from Marathi Bollywood News, Marathi Cinema News https://ift.tt/3mktl7H
