मुंबई- बॉलिवूड अभिनेता याचा एक फोटो सध्या सोशल मीडियावर व्हायरल होत आहे. या फोटोत त्याची तब्येत फार खंगताना दिसत आहे. एअरपोर्टवरच्या या फोटोने अनेकांना चिंतेत पाडलं आहे. संजय एका चाहतीसोबत फोटो क्लिक करताना दिसत आहे. हा फोटो व्हायरल झाल्यानंतर संजय दत्तच्या चाहत्यांनी त्याला लवकरात लवकर बरं होण्याच्या शुभेच्छा दिल्या आहेत. यूझर करत आहेत लवकर बरं होण्याची प्रार्थना जेव्हा संजयचा हा फोटो सोशल मीडियावर व्हायरल झाला तेव्हा सुरुवातीला अनेकांना आपल्या डोळ्यांवर विश्वासच बसला नाही. केमोथेरपीनंतर संजयची तब्येत प्रचंड खालावलेली दिसली. हा फोटो पाहून एका यूझरने लिहिले की, 'बाबा खूप कमकुवत दिसत आहे. तू यातून लवकरात लवकर बरा होशील अशी प्रार्थना करतो.' तर दुसर्‍या यूझरने लिहिले की, 'मला आशा आहे की तो लवकर यातून बरा होईल.' कुटुंबाकडून अजूनपर्यंत आलं नाही कोणतंही अधिकृत विधान दरम्यान, संजय दत्त या आजारातून पूर्णपणे बरा झाला नसून अजूनही तो फुफ्फुसाच्या कर्करोगावर उपचार घेत आहे. आतापर्यंत त्याच्यावर दोन केमोथेरपी झाल्या आहेत. अजून किती केमोथेरपी त्याला घ्याव्या लागतील याबद्दल संभ्रम आहे. ११ ऑगस्ट रोजी त्याने सोशल मीडियावर माध्यमातून तो उपचारांसाठी कामामधून ब्रेक घेतल्याचं सांगितलं. पण अजूनही संजयने किंवा त्याच्या कुटुंबियांकडून संजयला नेमकी कोणता आजार झालाय याबद्दल कोणतंही अधिकृत विधान दिलेलं नाही. संजय दत्तचे आगामी सिनेमे संजय दत्तच्या आगामी सिनेमाबद्दल बोलायचे झाले तर त्याचे अनेक सिनेमे अजूनही चित्रीत होण्याचे बाकी आहेत. यात 'शमशेरा', 'भुज', 'केजीएफ २', 'पृथ्वीराज' आणि 'तोरबाज' या सिनेमांमध्ये तो दिसणार आहे. मात्र उपचारांमुळे तो आता कोणत्याही सिनेमांचं चित्रीकरण करत नाही. नुकताच त्याचा महेश भट्ट दिग्दर्शित यांच्या ‘सडक २’ या सिनेमात तो अखेरचा दिसला होता.
from Marathi Bollywood News, Marathi Cinema News https://ift.tt/3iujnNV
