मुंबई :सिनेविश्वातील लई भारी जोडी म्हणून अभिनेता आणि देशमुख ओळखली जाते. सोशल मीडियावर या दोघांविषयी कायमच चर्चा रंगत असल्याचं पाहायला मिळतं. रितेशशी लग्न झाल्यापासून जेनेलियाचा अभियन क्षेत्रातील वावर कमी झाला आहे. लग्नानंतर तिनं फार कमी चित्रपटांमध्ये काम केलं. मात्र, आता पुन्हा एकदा जेनेलियाला मोठा पडदा खुणावत असून, तिनं चित्रपटांमध्ये कमबॅक करण्याविषयी विचार सुरू केल्याचं सांगण्यात येत आहे. एका मुलाखतीत तिनं चित्रपटात काम करण्याची इच्छादेखील व्यक्त केली आहे. 'आयुष्य स्थिरस्थावर झाल्यानंतर कोणती गोष्ट कशी असावी याविषयी माझे विचार स्पष्ट होते. रितेश, माझी मुलं रियान आणि राहिल यांच्यासोबत मला जास्तीत जास्त वेळ घालवायचा होता, त्यांच्याबरोबर राहायचं होतं", असं एका मुलाखतीत म्हणाली. तसंच ती म्हणाली, की 'खरं तर घरातल्या जबाबदाऱ्या पार पाडत असताना मी दुसरीकडे माझं कामदेखील मिस करत होते. मात्र, चित्रपटांच्या सेटवर लहान मुलांना घेऊन जाणं वगैरे या गोष्टी मला करायच्या नव्हत्या. मला माझं पूर्ण लक्ष कामाकडेच द्यायचं होतं. आता माझी मुलं बऱ्यापैकी मोठी झाली आहेत. त्यामुळे आता मी पुन्हा माझ्या कामाकडे वळू शकते. आता बॉलिवूडमधील काही भूमिका पाहून मला खरंच फार आनंद वाटतोय. त्यामुळे एखाद्या चांगल्या भूमिकेच्या मी प्रतिक्षेत आहे. तसंच जर मला आईची एखादी भूमिका मिळाली, तरी मी ती करण्यास उत्सुक असेन. ज्या भूमिकांशी मी स्वत: रिलेट करू शकेन, त्या भूमिका मला करायला आवडतील.' त्यामुळे आता जेत्या काळात जेनेलिया मोठ्या पडद्यावर मुख्य भूमिकेत दिसल्यास आश्चर्य वाटायला नको.
from Marathi Bollywood News, Marathi Cinema News https://ift.tt/36xwg7F
