मुंबई- अक्षय कुमारचा सिनेमा तुम्ही पाहिलात का? जर तुम्ही हा सिनेमा पाहण्याचा विचार करत आहात तर एकदा ज्यांनी हा सिनेमा पाहिला त्यांचंही मत जाणून घ्या. 'खिलाडी कुमार'चा हा हॉरर कॉमेडी सिनेमा अनेक वादांनंतर 'लक्ष्मी' या नावाने प्रदर्शित करण्यात आला. ९ नोव्हेंबरला डिझ्नी हॉटस्टारवर हा सिनेमा रिलीज करण्यात आला. 'कंचना' या तामिळ सिनेमाचा हा हिंदी रिमेक आहे. राघव लॉरेन्स दिग्दर्शित या सिनेमात अक्षय कुमारसोबत कियारा आडवाणी, आणि राजेश शर्मा यांच्या महत्त्वपूर्ण भूमिका आहेत. सध्या सोशल मीडियावर #LaxmiiReview ट्रेण्ड करत आहे. लोकांनी सिनेमासाठी वेगवेगळ्या प्रतिक्रिया दिल्या आहेत. काय आहे हे आणि का आहे हे... लोकांनी सिनेमाला संमिश्र प्रतिक्रिया दिल्या. अनेकांनी अक्षयच्या अभिनयाचं कौतुक केलं तर अनेकांना कंचना सिनेमातील मुख्य अभिनेता राघव लॉरेन्स आणि अन्य अभिनेत्यांची कमतरता सतावत राहिली. याच सिनेमाशी निगडीत एक व्हिडिओ अक्षय कुमारने काही दिवसांपूर्वी शेअर केला होता. या व्हिडिओमध्ये दिग्दर्शक राघव लॉरेन्स अक्षय कुमारच्या मेकअपला टचअप करताना दिसत आहे. हा व्हिडिओ शेअर करताना अक्षयने लिहिले की, लक्ष्मी सिनेमाच्या प्रवासात राघव नेहमीच त्याचा मार्गदर्शक म्हणून उभा राहिला होता. व्हिडिओमध्ये राघव अक्षय कुमारच्या डोक्यावर टिकलीचा मेकअप नीट करताना दिसत आहे. तर बाकीची टीम अक्षयची वाट पाहत मागे उभी राहिलेली दिसते. 'कांचना' या तामिळ सिनेमाचा हिंदी रिमेक असलेल्या या सिनेमाची व्यक्तीरेखा अक्षय मुक्तपणे जगला. इतर भयपटांच्या तुलनेत अक्षयचा हा भयपट वेगळा आहे. यात प्रेक्षकांना घाबरवणं हा उद्देश नसून एक सामाजिक संदेश देण्यात आला आहे.
from Marathi Bollywood News, Marathi Cinema News https://ift.tt/38rCsyP
