मुंबई- आणि यांच्यात झालेल्या ट्विटरवरच्या बाचाबाचीला आज दोन दिवस झाले. कंगनाकडून वृद्ध शेतकरी महिलेची ओळख पटण्यास चूक झाली. तिने त्या आजीशी निगडीत फेक ट्वीटही केलं. इतकंच नाही तर तिने त्या आजी १०० रुपयांसाठी कोणत्याही आंदोलनात जातात असंही तिने आपल्या ट्वीटमध्ये लिहिलं होतं. यावर दिलजितने तीव्र शब्दात प्रतिक्रिया दिली. त्याने ट्वीट करत म्हटलं की, 'माणसाने इतकंही आंधळं असू नये.' यानंतर दोघांमध्ये ट्वीट वॉर सुरू झालं. या भांडणात दिलजितच्या चाहत्यांची संख्या दोन दिवसांत जवळपास ४ लाखांनी वाढल्याची बातमी समोर आली आहे. कंगना म्हणाली, दिलजीत तर करण जोहरचा पाळीव श्वान दिलजीतच्या ट्विटला उत्तर देताना कंगनाने त्याचा उल्लेख करण जोहरचा 'पाळीव श्वान' आणि 'चमचा' असा केला. यानंतर दिलजीतने तिला पंजाबी भाषेत प्रत्युत्तर दिलं. दिलजीतच्या समर्थनात अनेक सेलिब्रिटींनीही ट्वीट केलं. विशेष म्हणजे ट्विटरवर बरेच लोक दिलजीतला पाठिंबा दर्शविण्यासाठी पंजाबी भाषेत ट्वीट करत होते. बुधवारपासून अचानक वाढू लागले दिलजीतचे फॉलोवर्स न्यूज १८ च्या वृत्तानुसार, या भांडणानंतर दिलजीतचे फॉलोवर्स ४ लाखांनी वाढले आहेत. दिलजीतचे आता ४.३ फॉलोअर्स आहेत. बुधवारनंतर दिलजीतच्या फॉलोवर्समध्ये वाढ होताना दिसली. दरम्यान, कंगना रणौत विरूद्ध कायदेशीर गुन्हेही दाखल करण्यात आले आहेत. अकाली दलाकडून 'शेतकरी आईचा' अपमान केल्याबद्दल तिला नोटीस बजावण्यात आली आहे.
from Marathi Bollywood News, Marathi Cinema News https://ift.tt/3orxzdX
