मुंबई- बॉलिवूड अभिनेत्री हिच्या आगामी सिनेमाचा ट्रेलर रिलीज करण्यात आला आहे. या बायोपिक सिनेमात रिचा पॉर्न स्टार शकीलाची भूमिका साकारताना दिसत आहे. सिनेमात शकीलाच्या आयुष्यातील चढ- उतार दाखवण्यात आले आहेत. अगदी शुन्यातून तिने आपलं कसं उभारलं याची गोष्ट दाखवण्यात आली आहे. सिनेमाच्या ट्रेलरमध्ये रिचाचा दमदार अभिनय दिसतो. रिचाला अभिनयात जोरदार स्पर्धा दिली आहे ती अभिनेता यांनी. पंकज आणि रिचा यांची जोडी पाहूनच प्रेक्षकांमध्ये या सिनेमासाठीची उत्सुकता वाढत आहे. कोण होती शकीला ही अभिनेत्री इतकी लोकप्रिय होती की तिचे सिनेमे सिंहली आणि चिनी भाषेसह अन्य भाषांमध्ये प्रदर्शित झाले होते. यातही दाक्षिणात्य सिनेसृष्टीतील नावाजलेल्या अभिनेत्यांशी तिची स्पर्धा होती. निर्माते शकीलाच्या सिनेमांसमोर स्वतःचा सिनेमा प्रदर्शित करण्यापूर्वी दोनदा विचार करायचे. पाच भाषांमध्ये प्रदर्शित होणास सिनेमा सिनेमाविषयी बोलताना दिग्दर्शक इंद्रजित लंकेश म्हणाले की, 'शकीलाची कथा ही फार लोकप्रिय आहे. ते आता जवळपास लोककथा झालं आहे. परंतु सत्य हे आहे की तिच्यासोबत बऱ्याच गोष्टी घडल्या. शुन्यातून यशापर्यंतचा आणि पुन्हा यशापासून शुन्यापर्यंतचा प्रवास खूप काही सांगणारा आहे. मला आनंद आहे की आमच्या निर्मात्यांनी इतक्या मोठ्या प्रमाणात सिनेमा प्रदर्शित करण्याचा निर्णय घेतला. हा सिनेमा अनेक भाषांमध्ये प्रदर्शित करण्याची महत्त्वाची गोष्ट म्हणजे ही शकीलाची शक्ती आहे. हिंदी, तमिळ, तेलगू, कन्नड आणि मल्याळम या पाच भाषांमध्ये हा सिनेमा प्रदर्शित होणार आहे.' ओटीटीवर नाही तर सिनेमागृहात प्रदर्शित होणार सिनेमा हा सिनेमा मोठ्या प्रमाणात रिलीज करण्याचा निर्मात्यांनी निर्णय घेतला आहे. पाच भाषांमध्ये प्रदर्शित होणारा हा सिनेमा जवळपास १ हजार स्क्रीनवर रिलीज करण्यात येणार आहे. लॉकडाउननंतर सर्वात मोठ्या प्रमाणात प्रदर्शित होणारा हा पहिला सिनेमा असणार आहे.
from Marathi Bollywood News, Marathi Cinema News https://ift.tt/3agt41T
