मुंबई- केंद्राच्या शेती कायद्याविरोधात पंजाबमधील शेतकरी दिल्ली सीमेवर आंदोलन करत आहेत. या आंदोलनाला अनेक कलाकारांनी थेट पाछिंबा दिला आहे. काहींनी शेतकऱ्यांच्या बाजूने परखड मत व्यक्त केलं तर काहींनी इतरांनी या विषयात राजकारण न करण्याची विनंती केली. मात्र, या सर्वांमध्ये अभिनेत्री कंगना रणौतच्या ट्वीटचीच चर्चा अधिक झाली. यानंतर आता पंजाबमधील प्रसिद्ध अभिनेत्री हिने कंगनाला थेट आव्हान दिलं आहे. शेतकरी आंदोलनाला जापजीने थेट पाठिंबा दिला आहे. सोशल मीडियावर जापजीचे काही फोटो आणि व्हिडीओ समोर आले आहेत. यात जापजी शेतकरी महिलांमध्ये जाऊन त्यांचं समर्थन करताना दिसत आहे. तसंच महिलांनी एकत्र राहून शांततेत आंदोलन पुढे नेण्याचा सल्ला दिला आहे. एका व्हिडिओमध्ये जापजी आणि दिलजीत दोसांजचा देखील उल्लेख करते. व्हिडिओमध्ये जापजी महिलांशी बोलताना म्हणते की, 'आपल्यावर आरोप केले गेले आहेत की आपण विभागलेलो आहोत. पण त्याकडे लक्ष न देता आपल्याला संयम आणि समाधानाने काम करावं लागेल.' जापजी पुढे म्हणाली की, 'मी हे माझ्या सर्व वडीलधाऱ्यांना, शूरांना आणि तुम्हाला एवढंच सांगेन की, एकमेकांना साथ द्या.' जापजीच्या या स्पष्टीकरणात कंगनाचाही तिने उल्लेख केला. 'दिलजीतने तिला ट्विटरवर संपूर्ण उत्तर दिलं आहे, पण मी तिला आव्हान देते की तिने इथे येऊन दाखवावं. इथे येऊन तिने स्वतःचं म्हणणं मांडावं.' व्हिडिओच्या शेवटी, जापजी म्हणताे, 'आमच्या आई आणि बहिणी काय सोसत आहे याची तिला जाणीव नाही. पण या जाणीवेसाठीही शहाणपणा असणं गरजेचं असतं.' दरम्यान, जापजीचा व्हिडिओ सोशल मीडियावर व्हायरल होत असून, अनेक यूझर्स यावर आपआपली मतं देत आहेत.
from Marathi Bollywood News, Marathi Cinema News https://ift.tt/3qvAh42
