मुंबई- अभिनेत्री सोशल मीडियावरून शेतकरी आंदोलनाबद्दल सातत्याने काही ना काही बोलताना दिसत आहे. कंगनाच्या ट्वीटनंतर वाद निर्माण होणार नाही असं तर होतच नाही. अलीकडेच कंगनाची आणि प्रसिद्ध अभिनेता आणि गायक दिलजित दोसांजची ट्विटरवर बाचाबाचीही झाली. यात कंगनाला मोठ्या प्रमाणात ट्रोल करण्यात आलं. पण या दरम्यान कंगनासोबत अभिनेता हृतिक रोशनलाही ट्रोल करण्यात आलं. सध्या सोशल मीडियावर हृतिक रोशनवर अनेक मिम्स व्हायरल होत आहेत. ज्यामध्ये बरेच सोशल मीडिया यूजर हृतिकला ट्रोल करत आहेत. या मिम्समध्ये एका यूझरने डीडीएलजे सिनेमातला एक सीन शेअर केला. त्यात त्याने लिहिले की, 'दिलजीत आणि कंगना यांच्यातला वाद पाहून ऋतिक म्हणतो अखेर तो दिवस आला.' दुसर्‍या यूझरने एका स्टॅण्ड-अप कॉमेडियनचा फोटो चित्र शेअर करत म्हटलं की, 'कंगना आणि दिलजित यांच्यातील वाद पाहून हृतिकची प्रतिक्रिया काहीशी अशी असेल... आत्मशांतीचं नाव कधी ऐकलं आहे का?' त्याचवेळी अजून एका यूझरने ब्रेकिंग न्यूज म्हणतं शेअर केलं की, 'हृतिकने अलीकडेच दिलजीतला फ्रेंड रिक्वेस्ट पाठवली आहे.' यासोबतच त्याने कंगनाच्या 'तनु वेड्स मनु' सिनेमातला एक संवाद शेअर केला.. अभी तो और जलील होना बाकी है..' अजून एका यूझरने 'सूर्यवंशम' सिनेमातला एक सीन शेअर केला. यात अमिताभ आपल्या मुलाला हळूच पाहायला जातात असं दाखवण्यात आलं आहे. हृतिकही ट्विटरवर अशा प्रकारे लक्ष ठेवून असल्याचं यूझरने म्हटलं. दीपिका पादुकोणच्या 'ये जवानी है दिवानी' सिनेमातील 'बलम पिचकारी' या गाण्यातील एक सीन शेअर केला आहे. यात एका यूझरने त्या गाण्याची एक ओळ टाकत म्हटलं की, दिलजीत आणि कंगनाचा वाद पाहून हृतिक असंच काहीसं म्हणत असेल की, 'इतना मजा क्यों आ रहा है..' एका ट्विटर युजरने संजय दत्तच्या 'मुन्नाभाई एमबीबीएस' सिनेमातील 'जादू की झप्पी'वाला सीनचा फोटो शेअर केला. यात संजय सफाई कर्मचाऱ्याला मिठी मारत म्हणतो की, 'तुम बहुत मस्त काम करता है।' हतिकच्या दिलजीतसाठीही काहीशा अशाच भावना असतील असं त्या यूझरने लिहिले.
from Marathi Bollywood News, Marathi Cinema News https://ift.tt/3g8cOBd
