मुंबई- गेलं वर्ष बर्‍याच लोकांसाठी त्रासदायक होतं पण अभिनेते आणि राजकारणी यांच्या घरी गुड न्यूज आली होती. गेल्या वर्षी, त्यांनी दुसरं लग्न केलं होतं. आता दुसऱ्या पत्नीने मुलीला जन्म दिला आहे. बातमीनुसार मनोजने एप्रिल २०२० मध्ये सुरभीशी लग्न केलं होतं. मुलीला नाव ठेवण्यासाठी त्यांचे चाहते सोशल मीडियावर अनेक पर्याय सुचवत आहेत. आता त्यांनी स्वतः आपल्या मुलीचं नाव सांगितलं आहे. मोठ्या बहिणीने ठेवलं छोट्या बहिणीचं नाव मनोज तिवारी यांच्या घरात मुलीचा जन्म झाल्यानंतर त्यांना सर्वात जास्त 'रिंकीया' नाव ठेवण्याचा सल्ला देण्यात आला. याचं मुख्य कारण म्हणजे त्यांचं 'रिंकी के पापा' हे गाणं सुपरहिट होतं. मात्र मनोज यांनी आपल्या मुलीचं नाव ठेवलं आहे आणि ते रिंकीया नाहीए. ईटाइम्स टीव्हीशी बोलताना त्यांनी सांगितलं की त्याची मोठी मुलगी रितीने (पहिल्या पत्नीपासून झालेली मुलगी) दुसऱ्या मुलीचं नाव ठेवलं आहे. मोठ्या मुलीने आधीच ठरवलेलं काय असेल मुलीचं नाव मनोज म्हणाले की, माझ्या मोठ्या मुलीनं लहानगीचं नाव ठेवलं आहे हे पाहून फार चांगलं वाटलं. रितीने आम्हाला आधीच सांगितलं होतं की ती बहिणीचं नाव सान्विका ठेवणार आहे. आम्हालाही हे नाव आवडलं. आई लक्ष्मीच्या नावांपैकी हे एक नाव आहे. योगायोगाने, रिती हे आई दुर्गाच्या नावांपैकी एक नाव आहे. आता माझ्या आयुष्यात दोन देवी आहेत. मुलीची केअरटेकर सुरभीशी केलं लग्न मनोज तिवारी यांनी सांगितलं की त्यांची मुलगी रितीनेच त्यांच्या दुसऱ्या लग्नाला परवानगी दिली. ते म्हणाले, 'मी २०१५ पासून सुरभीला ओळखतो. ती रितीची केअरटेकर होती. लग्नासाठी माझ्या मुलीनेच मला समजावलं.' त्यांनी हे देखील स्पष्ट केलं की, ते एक्स-वाईफ आणि तिच्या कुटुंबाशी भावनिकरित्या अजून जोडले गेले आहेत. परस्पर संमतीने ते विभक्त झाल्यामुळे त्यांच्यात कोणतीही कटुता नाही.
from Marathi Bollywood News, Marathi Cinema News https://ift.tt/3c2WrpE
