मुंबई- टीव्हीचा सर्वाधिक गाजलेला कॉमेडी शो '' प्रेक्षकांचं भरभरून मनोरंजन करत असतो. या शोमध्ये दर आठवड्याला नवीन पाहुणे येत असतात. कपिलची संपूर्ण टीम त्यांच्यासोबत मजा- मस्ती करते. या दरम्यान सेलिब्रिटी आणि कपिल एकमेकांसोबत बर्‍याच गोष्टी शेअर करतात. यावेळी पाहुणे कलाकार म्हणून अभिनेते आणि नेते आणि आले होते. राज बब्बर आणि जया प्रदा यांनी 'द शो'मध्ये अनेक विषयांवर चर्चा केली. यादरम्यान कपिल शर्मा याने आपल्या लग्नाच्या दिवशी घडलेला अजब किस्सा सगळ्यांना सांगितला. फार कमी लोकांना माहीत आहे की कपिल त्याच्या लग्नाच्याच दिवशी पळाला होता. त्याचं झालं असं की, कपिलने राज यांना प्रश्न विचारला की, 'तुम्ही जेव्हा कोणत्याही कार्यक्रमासाठी जाता तेव्हा तुम्ही स्वतः ते व्यासपिठ नीट आहे की नाही ते पाहता का?' या प्रश्नाचं उत्तर देताना राज बब्बर म्हणाले की, 'जेव्हा मी राजकारणात आलो होतो तेव्हा अनेक चाहते सभेला यायचे. त्यांना ढकलण्याची आमची कधीच इच्छा नसायची. पण त्यातही काही असे होते जे उडी मारून स्टेजवर यायचे. प्रचंड गर्दी व्हायची. स्टेज एकाच वेळी एवढ्या लोकांचं वजन झेलू शकायचा नाही आणि तो तुटायचा. या भीतीनेच मी व्यासपिठ मजबूत आहे की नाही याची स्वतःहून खात्री करून घ्यायला लागलो. राज बब्बर यांचा हा किस्सा ऐकल्यावर कपिलने त्याच्या लग्नात घडलेला एक रंजक किस्सा सांगितला. कपिल म्हणाला की, 'मी समजू शकतो की राज यांना काय म्हणायचं आहे. माझ्या स्वतःच्या लग्नातही हे असं घडलं आहे. बरेच लोक स्टेजवर गोळा झाले होते. मी घाबरलो होतो. मग मी तिथून पळून माझ्या खोलीत गेलो आणि परत बाहेर आलोच नाही.' ही गोष्ट ऐकताच तिथे उपस्थित सारेच कपिलवर हसू लागले. कपिलने या शोदरम्यान अनेकदा आपल्या पत्नीचा गिन्नी चतरथचा उल्लेख केला आहे. शोमध्ये कपिल स्वत:च्या आयुष्याशी निगडीत अनेक किस्से शेअर करत असतो. कपिलने आणि गिन्नीने २०१९ मध्ये लग्न केलं. त्यांना अनायरा नावाची एक मुलगीही आहे.
from Marathi Bollywood News, Marathi Cinema News https://ift.tt/3o0kDLv
