मुंबई: ‘’ वेब सीरीजमध्ये हिंदू देवी-देवतांना आक्षेपार्ह पद्धतीने दाखवून हिंदूंच्या धार्मिक भावना दुखावल्यानं ही सीरिज वादात सापडली आहे. या सीरिजमध्ये दाखवण्यात आलेल्या दृश्यांवर काही कलाकारांनीही प्रतिक्रिया दिल्या आहेत. यात काहीही आक्षेपार्ह नसल्याचं अनेकांनी म्हटलं आहे. तर काही बॉलिवूड कलारांनीही याच्यावर आक्षेप घेत या सीरिजमधील निर्माते आणि कलाकारांवर निशाणा साधलाय. प्रसिद्ध कॉमेडियन यांनी सीरिजमध्ये दाखण्यात आलेली दृश्ये निंदनीय असल्याचं म्हटलं आहे. त्यांनी एक व्हिडिओ शेअर केला आहे. श्रीवास्तव यांनी तांडवच्या निर्मात्यांवर टीकास्त्र सोडल्यानंतर नेटकऱ्यांनी त्यांना देखील ट्रोल करण्यास सुरुवात केली आहे. अचानक तुमच्यामध्ये देवाबद्दल आस्था, श्रद्धा कशी काय निर्माण झाली, असे प्रश्न नेटकऱ्यांकडून विचारण्यात येत आहेत. इतकंच नाही तर राजू श्रीवास्तव यांचे जुने काही व्हिडिओ सध्या सोशल मीडियावर व्हायरल होत आहेत. ज्यामध्ये त्यांनी रामायण आणि महाभारावर कॉमेडी करताना दिसत आहेत. त्यामुळं नेटकऱ्यांनी त्यांहीची शाळा घेतली. काय म्हटलंय राजू श्रीवास्तव यांनी त्यांच्या व्हिडिओ मध्ये?' अनेकदा त्याच्या सीरिजमध्ये असंच काही तरी करत असतो. त्याला अडवणारं कोणं नाही आणि कुठला कायदाही नाही. हिंदू धर्म सहिष्णू कारण हिंदू धर्मातील लोकांचं मन मोठं असतं. त्यामुळं ते माफ करतात. पण आता ती वेळ आलिए. हिंदूंनो जागं व्हा! केवळ दृश्य हटवून चालणार नाही, मोठी कारवाई, शिक्षा व्हायलाचं पाहिजे, पुन्हा कुणी असं करण्याची हिंमतही करणार नाही', असं राजू श्रीवास्तव यांनी त्यांच्या व्हिडिओत म्हटलं आहे.
from Marathi Bollywood News, Marathi Cinema News https://ift.tt/3o5Xlnk
