मुंबई: सोनी टीव्हीवरील लोकप्रिय रिअलिटी शो इंडियन आयडलनं आतापर्यंत टीआरपीचे सर्व रेकॉर्ड तोडले आहेत. या शोमध्ये देशाच्या वेगवेगळ्या राज्यातून स्पर्धकांनी भाग घेतला आहे. अशात आता या शोमध्ये विजेतेपदाच्या शर्यतीत अवघे १२ स्पर्धक उरले आहेत. या आठवड्यात हे स्पर्धक ड्रीम गर्ल यांच्या चित्रपटातील गाणी सादर करत आहेत. कारण या आठवड्यात प्रमुख पाहुणे म्हणून हेमा मालिनी यांनी या मंचावर हजेरी लावली. यावेळी त्याच्या आयुष्यातला एक मजेदार किस्सा सर्वांसोबत शेअर केला आहे. आपल्या बॉलिवूड करिअरविषयी बोलताना हेमा मालिनी यांनी त्यांच्या आणि यांच्याबद्दल असा एक खुलासा केला की ऐकणारेही हैराण झाले. स्पर्धक अंजली गायकवाडनं जेव्हा हेमा मालिनी यांची 'ऐ दिले नादान' आणि 'झूठे नैना बोले' ही गाणी सादर केली. तिच्या दमदार परफॉर्मन्सनंतर फक्त परीक्षकच नाही तर खुद्द ड्रीम गर्ल हेमा मालिनी यांनीही त्यांना शाबासकी दिली. हेमा मालिनी यांनी इंडियन आयडलच्या मंचावरच त्यांच्या बॉलिवूड करिअरमधील एक रंजक किस्सा सुद्धा शेअर केला. त्यावेळी हेमा मालिनी आणि धर्मेंद्र एकमेकांना डेट करत होते. जेव्हा हे दोघंही एका गाण्याचं शूटिंग करत होते. तेव्हा हेमा मालिनी यांचे वडील त्यांच्यासोबत येत असत. हेमा मालिनी आणि धर्मेंद्र यांची मैत्री त्यांच्या वडिलांना खास आवडत नव्हती. हेमा मालिनी यांनी धर्मेंद्र यांच्यासोबत एकत्र वेळ घालवू नये यासाठी वडील असं करत असत. अर्थात वडील समोर असल्यावर हेमा मालिनी काहीच करू शकत नव्हत्या. या घटनेची आठवण सांगताना हेमा मालिनी म्हणाल्या, 'त्यावेळी बऱ्याच वेळा माझी आई किंवा काकू माझ्यासोबत शूटिंगसाठी येत असत. पण एका गाण्याच्या शूटिंगच्या वेळी मात्र बाबा माझ्या सोबत आले होते. त्यांना माहीत होतं की मी आणि धर्मेंद्र चांगले मित्र आहोत. त्यामुळे त्यांना चिंता वाटायची की कुठे मी आणि धर्मेंद्र एकत्र एकांतात वेळ तर घालवत नाही आहोत ना. जेव्हा आम्ही कारमधून कुठे जात असू तेव्हा माझे बाबा लगेच माझ्या बाजूच्या सीटवर बसत असत. पण धर्मेंद्रसुद्धा काही कमी नव्हते. ते माझ्या दुसऱ्या बाजूच्या सीटवर जाऊन बसत असत.'
from Marathi Bollywood News, Marathi Cinema News https://ift.tt/3eksEtJ
