मुंबई- झी मराठी वाहिनीवरील 'राधा ही बावरी' या मालिकेतून मराठी मालिकांमध्ये पदार्पण करणारी मराठमोळी अभिनेत्री प्रेक्षकांना तिच्या सौंदर्याची भुरळ पाडण्यात यशस्वी ठरली आहे. श्रुतीच्या गुलाबी साडीवरच्या लूकची सोशल मीडियावर चांगलीच चर्चा रंगली आहे. श्रुती सोशल मीडियावर प्रचंड सक्रिय असते. एवढंच नाही तर ती स्वतःचे अनेक फोटो आणि व्हिडिओ सातत्याने चाहत्यांसोबत शेअर करत असते. तिच्या प्रत्येक फोटोचं चाहत्यांकडून कौतुक होतं. तिच्या वेगवेगळ्या फोटोंवर चाहते कमेंट आणि लाईकचा पाऊस पाडतात. उत्कृष्ट अभिनय आणि अप्रतिम सौंदर्याच्या जोरावर श्रुती प्रेक्षकांची आवडती अभिनेत्री बनली आहे. नुकतेच श्रुतीने तिच्या इन्स्टाग्राम अकाउंटवर काही फोटो शेअर केले होते. त्यात तिने गुलाबी रंगाची साडी नेसली आहे. साडीवर मोठ्या आकाराचे फ्लोरल प्रिन्ट आहेत. तिच्या या लुकला साजेसा मेकअप तिने केला आहे. गुलाबी रंगाची लिपस्टिक, मोठे कानातले, कपाळावर गुलाबी टिकली आणि डोळ्यात काजल यात श्रुतीचं सौंदर्य आणखीनच खुलून आलं आहे. तिने हे फोटो चाहत्यांसोबत शेअर करताच सोशल मीडियावर तिच्या फोटोंवर कौतुकाचा वर्षाव झाला आहे. काहींनी तर तू नेहमीच सुंदर दिसतेस असं म्हणत तिची प्रशंसा केली आहे, तर काहींनी तू इतकी सुंदर कशी दिसतेस? तुझ्या सौंदर्याचं रहस्य काय आहे? असे प्रश्नदेखील विचारले. श्रुतीने निळ्या रंगाच्या साडीमधला फोटोही चाहत्यांसोबत शेअर केला. त्या फोटोलाही चाहत्यांनी भरभरून प्रतिसाद दिला. श्रुतीने दाक्षिणात्य चित्रपट 'इंदिरा विजाहा' मधून तिच्या कारकिर्दीची सुरुवात केली होती. त्यानंतर ती मराठी चित्रपटसृष्टीकडे वळली. तिने 'प्रेमसूत्र', 'सनई चौघडे' यांसारखे हिट चित्रपटही दिले. त्याशिवाय ती 'बंध नायलॉनचे', 'रमा माधव', 'तप्तपदी', 'तुझी माझी लव्हस्टोरी', 'मुंबई पुणे मुंबई २' यासारख्या चित्रपटांत काम केलं आहे. या चित्रपटातील भूमिकांसाठी प्रेक्षकांनी तिचं कौतुक केलं होतं. श्रुती उत्तम अभिनेत्रीसोबत उत्कृष्ट नृत्यांगनादेखील आहे. तिने 'एका पेक्षा एक अप्सरा आली ' या कार्यक्रमात तिच्या अप्रतिम नृत्याची झलक प्रेक्षकांना दाखवली होती.
from Marathi Bollywood News, Marathi Cinema News https://ift.tt/3r0MSez
