मुंबई: बेधडक, बिनधास्त भूमिका करणारी ग्लॅमरस अभिनेत्री 'भाभी जी घर पर है' या मालिकेत दिसत आहे. तिच्या अभिनयाचं कौतुक होत असलं तरी तिला सतत सोशल मीडियावर ट्रोल करण्यात येतं. यासंदर्भात नुकताच तिनं तिचा अनुभव सांगितला. नेहानं गेल्या वर्षी जानेवारी महिन्यात शार्दुल सिंग बयास या व्यावसायिकाशी विवाहबद्ध झाली. लग्नानंतर नेहाला प्रचंड ट्रोल करण्यात येत आहे. यावर नेहानं खुलासा करत ट्रोलर्संला सुनावलं आहे. ' हे कधीही न थांबणारं आहे, तु्म्हाला ट्रोल करण्यासाठी ते कारणाच्याच शोधात असतात. पण आता मी आणि माझ्या पतीनं ट्रोलिंगला दुर्लक्ष कसं करायचं हे शिकून घेतलं आहे. माझ्या पतीला या ट्रोलिंगची सवय नव्हती,त्यामुळं त्याला खूप त्रास व्हायचा, पण आता तोही शिकलाय, ट्रोलिंगला दुर्लक्ष करायला.आता ट्रोलिंगचा आमच्यावर काहीच परिणाम होत नाही,असं नेहा म्हणाली. मी अनेकदा ट्रोलिंगला सामोरी गेले आहे. अशा लोकांना मी ब्लॉक करते. कारण त्यांना उत्तर देण्याइतका माझ्यात संयम नाही. तसंच मी त्यांना उत्तर द्यायला बांधीलही नाही, असंही नेहा म्हणाली. नेहानं तिच्या लग्नाबद्दल आणि पती शार्दुल बद्दलही अनेक गोष्टी सांगितल्या.नेहा म्हणाली की, ती लग्नापूर्वी दोन ते तीन रिलेशनशिपमध्ये होती. शार्दुलला भेटण्यापूर्वी तिचे हे रिलेशन होते. याशिवाय शार्दुलचं हे तिसरं लग्न असून त्याला दोन मुलीही आहेत. याबद्दल जेव्हा नेहाला विचारण्यात आले तेव्हा तिने सर्व माहीत असल्याचे सांगितले. नेहा म्हणाली की, 'मी आधीच सांगितलं की शार्दुलबद्दल मला सगळं माहीत आहे. हे त्याचं तिसरं लग्न आहे आणि त्याला दोन गोड मुली आहेत.'
from Marathi Bollywood News, Marathi Cinema News https://ift.tt/3kX2QVu
