मुंबई- बॉलिवूडची लोकप्रिय अभिनेत्री आणि निर्माता, दिग्दर्शक अनुराग कश्यप हे दोघे आयकर विभागाच्या निशाण्यावर आहेत. गेल्या काही दिवसांपासून त्यांच्या घरात आणि ऑफिसमध्ये आयकर विभागाने छापे टाकून पैशांच्या झालेल्या गैरव्यवहाराबद्दल शोधमोहीम सुरू केली होती. त्यात ३५० कोटींची उलाढाल झाल्याचं निष्पन्न झालं. त्यानंतर तापसी आणि अनुराग यांचे फोन आणि लॅपटॉपदेखील जप्त करण्यात आले आहेत. या सर्व प्रकारावर तापसीचा बॉयफ्रेंड आणि बॅडमिंटन खेळाडू असलेला मॅथियास बोए याने सोशल मीडियावर केंद्रीय मंत्री यांच्याकडे मदतीची मागणी केली. त्यावर किरेन यांनी त्याला उत्तरदेखील दिलं आहे. यासर्व प्रकरणानंतर तापसीच्या घरातील सदस्य प्रचंड तणावाचा सामना करत आहेत. याबद्दल ट्वीट करत मॅथियास याने ट्विटरवर लिहिलं, 'मी मोठ्या अडचणीत आहे. एकीकडे पहिल्यांदाच एक प्रशिक्षक म्हणून भारतातील काही खेळाडूंचं प्रतिनिधित्व करतोय, तर दुसरीकडे आयकर विभाग काहीही कारण नसताना तापसी पन्नूच्या घरातील सदस्यांवर दबाव टाकत त्यांच्या घरात छापा टाकत आहेत. किरेन रिजिजू कृपया काहीतरी करा.' तापसीच्या बॉयफ्रेंडच्या या ट्वीटवर किरेन यांनी प्रतिक्रिया देत नियमांचं पालन करण्याचा सल्ला दिला आहे. त्यांनी ट्वीट करत लिहिलं, 'भारतातील कायदे हे सर्वोच्च आहेत आणि आपल्याला त्यांचं पालन केलं पाहिजे जे काही होत आहे ते तुमच्या आणि माझ्या आवाक्याबाहेरचं आहे. आपण आपलं कर्तव्य प्रामाणिकपणे पार पाडलं पाहिजे, भारतीय खेळासाठी तेचं उत्तम आहे.' आयकर विभागाच्या माहितीनुसार, प्रोडक्शन हाऊसच्या मिळकतीची चुकीची माहिती देण्यापासून कर चोरी करण्यापर्यंत ३५० कोटींची हेराफेरी झाल्याचं समोर आलं आहे. तसेच, तापसीच्या नावावर पाच कोटींच्या रोख रकमेची पावतीदेखील मिळाली आहे.
from Marathi Bollywood News, Marathi Cinema News https://ift.tt/3bZ6mdS
