मुंबई- अभिनेता शाहिद कपूरची पत्नी ही सोशल मीडियावर प्रचंड सक्रिय असते. अभिनेत्री नसूनही तिची लोकप्रियता मोठमोठ्या अभिनेत्रींना टक्कर देते. सोशल मीडियावर तिचे लाखो चाहते असून फॉलोअर्सची संख्याही प्रचंड आहे. त्यामुळे एखाद्या अभिनेत्री प्रमाणेच तिलाही चाहत्यांच्या प्रेमाचा आणि रोषाचा सामना करावा लागतो. पण महिला दिनाच्या दिवशी मीराने केलेल्या एका कामामुळे तिला वाईट म्हणणाऱ्यांचीदेखील मनं जिंकली आहेत. मीराने महिला दिनाच्या निम्मिताने सोशल मीडियावर काही फोटो शेअर केले होते. ते फोटो पाहून तिला वाईट समजणाऱ्यांचा देखील गैरसमज दूर झाला आहे. तिने तिच्या इन्स्टाग्राम अकाउंटवर तिच्या आयुष्यातील महत्वाच्या स्त्रियांचे फोटो शेअर केले. त्यात तिने तिच्या आई, सासू इतकंच नाही तर तिच्या सावत्र सासूसोबतही फोटो शेअर केला. पण या फोटोंचं जितकं कौतुक झालं नाही तितकं कौतुक शेवटच्या फोटोचं झालं. त्याच कारण म्हणजे मीराचा शेवटचा फोटो तिच्या मुलांना सांभाळणाऱ्या दोन मदतनीसां सोबतचा होता. तिने मुलांच्या संगोपनात मदत करणाऱ्या दोन महिलांसोबतचा फोटो शेअर केला. यानंतर मीराला वाईट म्हणणाऱ्यांचा तिच्याकडे पाहण्याचा दृष्टिकोन बदलला. मीराने त्यांचे फोटो शेअर करत त्यांना तिची ताकद म्हटलं. तिच्या या फोटोच चाहत्यांनी प्रचंड कौतुक केलं. एका युजरने म्हटलं, 'मी थोडी आश्चर्यचकीत आहे. आणि या फोटोने माझं मीराबद्दलच मत बदललं.' तर दुसऱ्याने म्हटलं की, तिने मुलांना सांभाळणाऱ्या मदतसीसांसोबत फोटो शेअर केला याचा अर्थ तिच्या मनात त्यांच्याबद्दल किती आदर आहे. मीराच्या या फोटोने युजर्सचा तिच्याकडे पाहण्याचा दृष्टीकोन बदलला. सध्या सोशल मीडियावर तिचं कौतुक होत आहे.
from Marathi Bollywood News, Marathi Cinema News https://ift.tt/3lhwmpr
