मुंबई: अभिनेत्री आपल्या चित्रपटांसोबतच ग्लॅमरस लुक आणि फॅशनसाठी चर्चेत असते. मागच्या काही दिवसांपासून जान्हवी तिचा चित्रपट 'रूही'च्या प्रमोशनमध्ये बिझी होती. दरम्यान वेगवेगळ्या प्रमोशन इव्हेंटमधील लुकमुळे जान्हवी सोशल मीडियावर बरीच चर्चेत राहिली होती. पण यामध्ये जान्हवीवर एक वेळ अशीही आली की, तिला कारमध्येच कपडे बदलावे लागले. जान्हवीनं तिच्या इन्स्टाग्रामवर एक पोस्ट शेअर केल्यानंतर या गोष्टीचा खुलासा झाला. 'रूही'च्या प्रमोशन अगोदर जान्हवी तिचा आगामी चित्रपट गुडलक जेरीच्या शूटिंगमध्ये बिझी होती. पण जेव्हा 'रूही'चं प्रमोशन सुरू झालं तेव्हा मात्र जान्हवीचं वेळापत्रक जास्तच बिझी झालं. दरम्यान एकामागोमाग एक प्रमोशन इव्हेंटसाठी जान्हवीला कारमध्ये कपडे बदलावे लागले. जान्हवीनं तिच्या इन्स्टाग्रामवर काही फोटो शेअर केले आहेत ज्यावरुन या गोष्टींचा खुलासा झाला. जान्हवीनं इन्स्टाग्रामवर शेअर केलेल्या पोस्टमधील पहिल्या फोटोत ती एका स्ट्रॅपलेस टॉप आणि हाय वेस्ट मिनी स्कर्टमध्ये दिसत आहे. या लुकमध्ये ती खूपच ग्लॅमरस दिसत आहे. तर दुसऱ्या फोटोमध्ये जान्हवी कारमध्ये जीन्स घालण्यासाठी खटपट करताना दिसत आहे. या प्रमोशन इव्हेंटनंतर जान्हवीला लगेचच फ्लाइट पकडायची असल्यानं कॅज्युअल कपडे घालायचे होतो. वेळ कमी असल्यानं अखेर तिला कारमध्येच कपडे बदलावे लागले. हे फोटो शेअर करताना जान्हवीनं कॅप्शनमध्ये 'खूपच आरामदायी दिवस होता' असं लिहिलं आहे. जान्हवीनं शेअर केलेल्या या पोस्टमध्ये शेवटच्या फोटोमध्ये ती रिप्ड डेनिम जिन्स आणि व्हाइट कलर फुल स्लीव्स टी-शर्ट अशा कॅज्युअल अवतारात दिसत आहे. जान्हवीचा बहुचर्चित रूही चित्रपट आज म्हणजे ११ मार्चला रिलीज झाला असून यातील जान्हवीच्या अभिनयाचं कौतुक केलं जात आहे. या चित्रपटात जान्हवीसोबत आणि वरुण शर्मा यांच्याही महत्त्वपूर्ण भूमिका आहेत.
from Marathi Bollywood News, Marathi Cinema News https://ift.tt/3l4nK56
