मुंबई: बॉलिवूड अभिनेत्री मागच्या बऱ्याच काळापासून बॉलिवूडपासून दूर आहे. मागच्या बऱ्याच काळापासून तिनं कोणत्याही चित्रपटात काम केलेलं नाही. पण ती सोशल मीडियावर मात्र कमालीची सक्रिय आहे. अनेकदा ती आपले फोटो आणि व्हिडीओ इन्स्टाग्रामवर शेअर करताना दिसते. आताही तिनं असाच एक व्हिडीओ सोशल मीडियावर शेअर केला आहे. जो खूप व्हायरल होताना दिसत आहे. तनुश्री दत्तानं नोव्हेंबर २०२० मध्ये मोठं फिजिकल ट्रान्सफर्मेशन केलं आहे. ३६ वर्षीय अभिनेत्रीनं तब्बल १५ किलो वजन घटवलं आणि आपल्या या नव्या लुकद्वारे तिनं सर्वांनाच चकित केलं होतं. मागच्या वर्षी तनुश्रीनं एक फोटो शेअर करताना आपण बॉलिवूडमध्ये कमबॅक करण्याचा विचार करत असल्याचं म्हटलं होतं. अशातच आता तनुश्रीनं तिच्या इन्स्टाग्रामवर स्वतःचा एक डान्स व्हिडीओ शेअर केला आहे. ज्यात ती 'एक तू ही यार मेरा' या गाण्यावर डान्स करताना दिसत आहे. याशिवाय काही दिवसांपूर्वी तिनं 'डोन्ट रश' गाण्यावर धम्माल डान्स केला होता. तिचा हा व्हिडीओ सुद्धा सोशल मीडियावर व्हायरल झाला होता. तिनं नुकत्याच शेअर केलेल्या या व्हिडीओवर अनेक युझर्सनी कमेंट केल्या आहेत. तनुश्रीच्या व्हिडीओवर कमेंट करताना एक युझरनं लिहिलं, 'व्वा, २००० मुलांची क्रश परतली' तर दुसऱ्या एका युझरनं तिच्या ट्रान्सफर्मेशनसाठी तिचं कौतुक केलं आहे. 'जबरदस्त ट्रान्सफर्मेशन पण 'मम्‍मी को नहीं है पता.' असं त्यानं कमेंटमध्ये लिहिलं आहे. 'मम्‍मी को नहीं है पता' हे तनुश्रीचंच एक आयटम साँग आहे जे खूप लोकप्रिय झालं होतं. तनुश्रीनं 'आशिक बनाया' चित्रपटातून बॉलिवूड पदार्पण केलं होतं. मात्र काही चित्रपटांनंतर ती अमेरिकेला निघून गेली होती आणि त्या ठिकाणी ती जॉब करत होती.
from Marathi Bollywood News, Marathi Cinema News https://ift.tt/3eC8Kdu
