मुंबई- बॉलिवूडचा लोकप्रिय अभिनेता याची मुलगी सोशल मीडियावर प्रचंड सक्रिय असते. ती तिच्या वैयक्तिक गोष्टी चाहत्यांसोबत नेहमीच शेअर करते. सोशल मीडियावर तिच्या चाहत्यांची संख्याही लाखांमध्ये आहे. नुकताच एका युझरने त्रिशालाला तिच्या प्रियकराबद्दल प्रश्न विचारला. तो प्रश्न वाचून त्रिशालाने त्याला चांगलंच सुनावलं. त्रिशालाच्या प्रियकराचा ९ जुलै २०१९ रोजी मृत्यू झाला होता. त्यानंतर तिने नेहमी सोशल मीडियावर त्याच्या मृत्यूचं दुःख व्यक्त केलं होतं. ती अजूनही त्याच्यासोबतचे फोटो शेअर करत असते. एका युझरने त्रिशालाला प्रियकराच्या मृत्यूचं कारण विचारलं आणि त्यावर तिने य चांगलीच शाळा घेतली. युझरने त्रिशालाच्या इन्स्टाग्रामवर तिच्या प्रियकराच्या मृत्यूचं कारण विचारलं. तो म्हणाला, 'मी हा प्रश्न विचारल्याबद्दल तुमची माफी मागतो पण तुम्ही कधीच त्याच्या मृत्यूचं कारण नाही संगितलं. त्याचा मृत्यू कसा झाला होता? त्याचं नाव काय होतं?' युझरच्या या प्रश्नावर त्रिशाला रागात म्हणाली, 'मी तुमची माफी मागते कारण तुम्हाला माझं उत्तर ऐकून वाईट वाटू शकतं. मी तुमच्या प्रश्नाने दुःखी किंवा अपमानित झाली नाहीये पण मला लोकांना समाजात वागण्याचे १०१ सामान्य नियम समजवायचे आहेत. मी तुमच्या प्रश्नाचं कौतुक करते. चला, माणसाच्या रोजच्या वागण्याच्या सवयी आणि उत्सुकतेचं कौतुक करूया. हे खूपच साहजिक आहे की, तुम्हाला हे जाऊन घ्यायचं आहे की एखाद्याचा मृत्यू कसा झाला जेव्हा तुमचा त्याच्याशी काहीही संबंध नाहीए, हो ना?' त्रिशालाने पुढे लिहिलं, 'जर तुम्ही एखाद्याच्या मृत्यूचं कारण जाणून घेण्यासाठी इतके उत्सुक असाल पण तुम्ही त्याला ओळखतही नाही तर त्याला दुसऱ्याच्या आयुष्यात डोकावणं म्हणतात. कोणत्याही व्यक्तीच्या मृत्यूचं कारण विचारणं हे सगळ्यात चुकीची गोष्ट आहे. मला वाटतं की तुम्ही स्वतःला हा प्रश्न विचारला पाहिजे की, तुमचा हा प्रश्न विचारण्यामागचा उद्देश काय होता? त्याच्याबद्दल माहिती मिळाल्यावर त्या व्यक्तीची मदत करू शकेन की ही फक्त एक उत्सुकताच आहे?' 'तुम्हाला कोणाच्याही मृत्यूचं कारण विचारण्याचा हक्क नाहीये तर ते विचारणं बंद करा. ही माहिती विचारणं संभाषणाचा भाग नसतो. अशा प्रकारच्या व्यक्ती कोणाचंही सांत्वन करत नाहीच आणि मृत्यू झालेल्या व्यक्तीला परतही आणू शकत नाही.' त्रिशालाने या उत्तराने अनेकांना समाजात बोलण्याची शिकवण दिली.


from Marathi Bollywood News, Marathi Cinema News https://ift.tt/3rZ4wAG