मुंबई- मुंबई हे स्वप्नांचं शहर मानलं जातं. इथे प्रत्येकजण उराशी स्वप्न बाळगून येतो. प्रत्येक व्यक्ती इथे पैसे कमावण्यासाठी येतो. काहींची स्वप्न पूर्ण होतात तर काहींना हार मानावी लागते. पण हार मानेल तो हर्षद मेहता कसला. मुंबई शेअर बाजारात कोट्यवधींचा काळा बाजार करणाऱ्या हर्षद मेहताच्या आयुष्यावर आधारित अभिषेक बच्चनच्या नवीन चित्रपटाचा ट्रेलर प्रदर्शित झाला आहे. वेबसीरिजच्या माध्यमातून प्रेक्षकांना आपल्या अभिनयाची भुरळ पाडणाऱ्या अभिषेकच्या '' या चित्रपटाची प्रेक्षक आतुरतेने वाट पाहत आहेत. ट्रेलरमध्येही अभिषेकने त्याच्या उत्कृष्ट अभिनयाची झलक प्रेक्षकांना दाखवली आहे. अभिषेकने 'ब्रिथ इन द शॅडो' या वेबसीरिज आणि 'लुडो' चित्रपटातून प्रेक्षकांची मनं जिंकली आहेत. आता 'द बिग बुल' चित्रपटातून तो पुन्हा एकदा आपल्या अभिनयाची चुणूक दाखवायला सज्ज झाला आहे. सोशल मीडियावर चित्रपटाचा ट्रेलर पाहून चाहते अभिषेकचं भरभरून कौतुक करत आहेत. 'द बिग बुल' च्या ट्रेलरने सोशल मीडियावर अक्षरशः धुमाकूळ घातला आहे. यापूर्वीही हर्षद मेहता यांच्या आयुष्यावर आधारित दोन वेबसीरिज प्रदर्शित झाल्या आहेत. त्यांनाही प्रेक्षकांकडून चांगला प्रतिसाद मिळाला होता. ट्रेलरच्या सुरुवातीला अभिषेक त्याच्या आवाजात सगळ्यांना देशाचे नियम समजावतोय. तो म्हणतो, 'आपण या देशात काहीही करू शकतो, खोटे प्रमोटर्स वापरू शकतो, पोलिसांना लाच देऊ शकतो, माध्यमांना धमकी देऊ शकतो आणि काहीही करू शकतो. फक्त एकाच नियम आहे, पकडलं जायचं नाही.' यानंतर ट्रेलरमध्ये तो खेळ दाखवण्यात आला आहे जो हर्षद यांनी १९९२ साली खेळला होता. शेअर मार्केटमधील हा खेळ एखाद्याला यशाच्या शिखरावर कसा नेऊन ठेवतो याचं गणित या चित्रपटामध्ये दाखवण्यात आलं आहे. चित्रपटामध्ये अभिषेकसोबत निकिता दत्ता, इलियाना डिक्रूझ आणि सोहम शाह प्रमुख भूमिकेत आहेत. ही वेबसीरिज ८ एप्रिल रोजी डिस्नी हॉटस्टारवर प्रदर्शित होणार आहे. या चित्रपटाबद्दल प्रेक्षकांमध्ये प्रचंड उत्सुकता पाहायला मिळतेय.
from Marathi Bollywood News, Marathi Cinema News https://ift.tt/2P8if9A
