मुंबई: देशात सध्या करोना व्हायरसच्या दुसऱ्या लाटेचे अतिशय गंभीर परिणाम झालेले दिसत आहे. दिवसेंदिवस करोनाच्या रुग्णांची संख्या वाढताना दिसत आहे. अनेक रुग्णालयांमध्ये बेड, औषध आणि ऑक्सिजन सिलेंडर यांचा तुटवडा निर्माण झाला आहे आणि त्यामुळे अनेकांचा मृत्यू झाला आहे. सोशल मीडियावर लोक मदतीची हाक देताना दिसत आहेत आणि अनेक बॉलिवूड सेलिब्रेटींनीही गरजूंना आतापर्यंत शक्य तेवढा मदतीचा हात देऊ केला आहे. अभिनेता आणि त्याची पत्नी यांनीही आता गरजूंसाठी मदतीचा हात पुढे केला आहे. मागच्या वर्षीही अक्षयनं करोनासाठी पीएम केअर्स फंडमध्ये २५ कोटी रुपये दान केले होते. त्यानंतर आता ट्विंकल आणि अक्षय यांनी १०० ऑक्सिजन कंसन्ट्रेटर दान करण्याचा निर्णय घेतला आहे. ज्यामुळे सोशल मीडियावर त्यांचं कौतुक होताना दिसत आहे. ट्विंकल खन्नानं याची माहिती ट्विटरवरून दिली आहे. तिनं ट्वीट करताना लिहिलं, 'लंडनच्या दोन डॉक्टर्सनी १२० ऑक्सिजन कंसन्ट्रेटर दान करण्याचा निर्णय घेतला आहे. तसेच मी आणि अक्षयनं १०० ऑक्सिजन कंसन्ट्रेटरची व्यवस्था केली आहे. अशाप्रकारे एकूण २२० कंसन्ट्रेटरचं दान केलं जाणार आहे.' ट्विंकल खन्नानं त्याआधी एका ट्वीटमध्ये लिहिलं होतं, 'कृपया मला रजिस्ट्रेशन झालेल्या आणि विश्वासार्ह एनजीओंची माहिती द्या. जे १०० ऑक्सिजन कंसन्ट्रेटरचं (प्रति मिनिट ४ लिटर ऑक्सिजनचा पुरवठा करणारे) वाटप करण्यास मदत करतील हे कंसन्ट्रेटर थेट लंडनवरून त्यांच्यापर्यंत पोहोचवले जातील.' अक्षय कुमारनं काही दिवसांपूर्वीच माजी क्रिकेटर गौतम गंभीरच्या एका संस्थेला १ कोटी रुपये दान केले आहेत. गौतम गंभीरची ही संस्था गरीबांसाठी जेवणाची सोय करते. ज्यासाठी गौतम गंभीरनं अक्षयचे आभार मानले होते.
from Marathi Bollywood News, Marathi Cinema News https://ift.tt/3gJK6c5
