मुंबई : आणि यांच्यात मुलाचा ताबा मिळवण्यावरून सुरू असलेल्या वादामुळे चर्चेत आले आहेत. या दोघांमधील वाद दिवसगणिक चिघळतच चालला आहे. हा वाद आता कोर्टात गेला आहे. त्यावरूनही या दोघांवरून उलटसुलट चर्चा सोशल मीडियावरही सुरू आहे. आता या वादामध्ये श्वेता तिवारीचा पहिला नवरा राजा चौधरीने मत व्यक्त केले आहे. श्वेताचे पहिले लग्न राजा चौधरीसोबत झाले होते. अभिनव आणि श्वेता यांच्यात सुरू असलेल्या भांडणावर म्हणाला, 'श्वेताच्या आयुष्यात हा दुःखद प्रसंग दुस-यांदा आला आहे याचे वाईट वाटते. माझ्या मते श्वेता ही उत्तम आई आणि उत्तम पत्नी आहे. असे असूनही तिचे दुसरे लग्नही अयशस्वी ठरले. म्हणून ती व्यक्ती म्हणून वाईट आहे, असा त्याचा अर्थ होत नाही.'श्वेताचा दुसरा नवरा अभिनव कोहलीने श्वेतावर अनेक आरोप केले आहेत. या आरोपांमुळे मुलगा रेयांश याची कस्टडी आपल्याकडेच रहावी, यासाठी श्वेताला खतरों के खिलाडी कार्यक्रमाचे चित्रीकरण अर्धवट सोडून परत यावे लागण्याची शक्यता वर्तवली जात आहे. श्वेताचा पहिला नवरा राजा चौधरीने पुढे सांगितले की, ' श्वेता आणि अभिनव यांच्यात सुरू असलेल्या भांडणावर मी काहीही भाष्य करू इच्छित नाही. परंतु एक गोष्ट नक्की सांगू इच्छितो की, अभिनवला त्याच्या मुलाला रेयांशला भेटण्याची परवानगी श्वेताने द्यायला हवी. ' तो पुढे म्हणाला की, ' श्वेता तिवारीला हे आता कळायला हवे की नवरा बायको म्हणून तिच्यात आणि अभिनवमध्ये अनेक वाद असतील. परंतु एक वडील आपल्या मुलाला इजा नक्कीच करू शकत नाहीत. या दोघांमध्ये जे काही सुरू आहे, त्यात मला पडण्याची अजिबात इच्छा नाही. ' काय आहे नेमका वाद?अभिनव आणि श्वेता यांचा घटस्फोट झाला आहे.आता त्यांच्यात मुलगा रेयांशची कस्टडी कुणाकडे असावी,यावरून वाद सुरू आहे. दरम्यान, सध्या श्वेता तिवारी ही खतरों के खिलाडी ११ कार्यक्रमात सहभागी झाली असून, या कार्यक्रमाचे चित्रीकरण केपटाऊन येथे सुरू आहे. श्वेता तिकडे गेल्यानंतर अभिनव आणि श्वेता यांच्यातील वादाला सुरुवात झाली. केपटाऊनला जाताना श्वेता आमच्या मुलाला हॉटेलच्या रूममध्ये एकट्याला ठेवून गेल्याचा आरोप अभिनवने केला होता. त्याला उत्तर देताना श्वेताने अभिनव हा बेजबाबदार वडील असल्याचे सांगत मुलाच्या संगोपानासाठी एकही रुपया देत नसल्याचा आरोप केला होता. तसेच हे आरोप करताना श्वेताने इन्स्टाग्रामवर एक व्हिडीओ पोस्ट केला होता. हा व्हिडीओ म्हणजे तिच्या सोसायटीच्या सीसीटीव्हीचे फूटेज आहे. त्यामध्ये अभिनव हा श्वेताकडून रेयांशला हिसकावून घेताना दिसत आहे. त्यानंतर अभिनवनेही एक तासाचा व्हिडीओ इन्टाग्रामवर पोस्ट करत त्याची बाजू लोकांसमोर मांडली होती. दरम्यान, श्वेताने पोस्ट केलेल्या या व्हिडीओची दखल महिला आयोगाने घेतली आहे. तसेच राष्ट्रीय महिला आयोगाच्या अध्यक्षांनी ट्विट करत नाराजी व्यक्त केली होती. दरम्यान, रेयांशाच्या कस्टडीचा वाद हा मुंबई हायकोर्टात गेला आहे. लवकरच यावर सुनावणी होणे अपेक्षित आहे.
from Marathi Bollywood News, Marathi Cinema News https://ift.tt/3v8en8I
