मुंबई : बॉलिवूडचा ख्यातनाम अभिनेता शाहरुख खानची मुलगी जरी हिंदी सिनेमात दिसत नसली तरी ती कायमच चर्चेत असते. तिचे स्वतःचेही फॅन फॉलोईंग खूप आहे. आपल्या तीनही मुलांबद्दल शाहरुख खूपच पझेसिव्ह आहे. विशेष करून सुहानाबद्दल तर अधिकच. कॉफी विथ करण या शोचा एक व्हिडीओ सध्या सोशल मीडियावर व्हायरल होत आहे. करणने शाहरुखला सुहानाच्या बॉयफ्रेंडबद्दल प्रश्न विचारल्यावर त्याने जे उत्तर दिले आहे त्यामुळे हा व्हिडिओ चर्चेत आला आहे. काय होता प्रश्न करण जोहरच्या या कार्यक्रमामध्ये आलिया भटसोबत आला होता. यावेळी त्याने आलियाला विचारले की तुझा पहिला बॉयफ्रेंड तू किती वर्षांची असताना होता. यावर आलियाने उत्तर दिले की ती १६ वर्षांची होती. त्यावर करणने शाहरुखला विचारले की, तुझी मुलगी सुहाना आता १६ वर्षांची आहे. तिच्या बॉयफ्रेंडने तिला किस करण्याचा प्रयत्न केला तर तू काय करशील? शाहरुखने दिले हे उत्तर यावर शाहरुख काही काळ गंभीर झाला आणि नंतर त्याने उत्तर दिले की, 'माझ्या मुलीला जर तिच्या बॉयफ्रेंडने किस करण्याचा प्रयत्न केला तर मी त्याचे ओठ कापून टाकीन...' करण त्यावर म्हणाला की, 'मला माहीत होते की तू असेच काही तरी उत्तर देशील.' त्यावर तत्परतेने शाहरुख म्हणतो, 'अर्थातच १०० टक्के.. याच कारणामुळे सुहानाला अद्याप बॉयफ्रेंड नाही. कारण तिला माहिती आहे की मी कसा आहे ते...' यावर हे तिघेजण खळखळून हसू लागतात. सुहानाला विमानतळावर सोडायला गेला होता शाहरुख काही दिवसांपूर्वी सुहाना न्यूयॉर्कमध्ये शिकण्यासाठी गेली. त्यावेळी शाहरुख तिला सोडायला विमानतळावर आवर्जून गेला होता. सुहाना सोशल मीडियावर चांगलीच सक्रीय असते. ती तिचे न्यू यॉर्कमधील फोटो, घराचे फोटो, व्हिडिओ सातत्याने आपल्या चाहत्यांसोबत शेअर करत असते.
from Marathi Bollywood News, Marathi Cinema News https://ift.tt/33nNZLU
