मुंबई : वाहिनीवरून प्रसारित होणारी '' ही अचानक बंद करण्यात आली आहे. ही मालिका बंद करण्यात आल्याच्या वृत्ताला या मालिकेत प्रमुख भूमिका साकारणारा कलाकार मानव गोहिलने दुजोरा दिला आहे. त्याने सांगितले, 'ही मालिका बंद झाल्याची बातमी खरी आहे. अचानकपणे हा कार्यक्रम बंद करण्याचा निर्णय घेण्यात आला आहे. परंतु आमच्यासाठी हा कार्यक्रम गेल्या दोन महिन्यांपूर्वीच बंद झाला आहे. आज आम्हांला अधिकृतरित्या हा कार्यक्रम बंद झाल्याचे कळवण्यात आहे. प्रॉडक्शन हाऊसकडून फोनद्वारे तसे कळवण्यात आले आहे.' अभिनेता मानवने पुढे सांगितले, ' ही मालिका बंद झाल्याची अफवा नाही. ही बातमी खरी आहे. आता ही मालिका पुन्हा कधीही दिसणार नाही. लॉकडाऊनमुळे या मालिकेचे चित्रीकरण बंद होते. परंतु जेव्हा लॉकडाऊन मागे घेतला जाईल तेव्हा चित्रीकरण सुरू केले जाईल असे आम्हाला सांगण्यात आले होते.' ही मालिका बंद झाल्यामुळे मानव गोहिल भावूक झाला होता. तो म्हणाला, 'ज्यावेळी एका मालिकेत आपण काम करतो त्यावेळी तिथे काम करणारे सर्व कलाकार, युनिटमधील प्रत्येकजण आपल्या कुटुंबातील सदस्याप्रमाणे असतो. गेल्या २२ वर्षांपासून मी काम करत आहेत. इतक्या वर्षांत अनेक ठिकाणी मी काम केले आहे. परंतु जेव्हा जेव्हा मी काम करतो तेव्हा तेव्हा त्या कार्यक्रमाशी, सेटशी, तिथल्या प्रत्येक व्यक्तीशी भावनिक पातळीवर जुळला जातो. या मालिकेचा सेट, येथील सहकलाकार,युनिट यांना मिस करणार आहे. आणखी एका कुटुंबाला मी मिस करणार आहे. आता आम्ही पुन्हा भेटू शकणार नाही. अर्थात यातूनही आम्ही काही शिकलो आहोत...' दरम्यान, मानव गोहिलला ही करोना झाला होता. यातून तो आता बाहेर आला आहे. आपल्या आगामी प्रोजेक्टबद्दल मानवने सांगितले, 'मी करोनातून बाहेर आलो आहे. दोन महिने मी कामातून ब्रेक घेतला होता. लवकरच मी आता कामाला सुरुवात करणार आहे. काही प्रोजेक्ट आहेत. तसेच एका सिनेमाचे स्क्रिप्टही माझ्याकडे आले आहे. सर्व सुरळीत झाले तर लवकरच नवीन कामाला सुरुवात करणार आहे.' मोठ्या प्रोजेक्टमध्ये सहभाग मानव गोहिल अनेक टिव्ही मालिकांमध्ये काम केले आहे. यम है हम, तेनालीरामा, कहानी घर घर की कुसुम, अगले जनम मोहे बिटिया यांसारख्या मालिकांत त्यांनी काम केले आहे.
from Marathi Bollywood News, Marathi Cinema News https://ift.tt/3fe5gOx
