मुंबई: अभिनेता आणि थिएटर आर्टिस्ट राहुल वोहराचं करोना व्हायरसच्या संक्रमणामुळे निधन झालं आहे. दिग्दर्शक आणि राहुलचे गुरू अरविंद गौंड यांनी सोशल मीडियावर एक पोस्ट करत राहुलच्या निधनाच्या वृत्ताला दुजोरा दिला आहे. मागच्या काही दिवसांपासून राहुल करोना व्हायरसशी लढा देत होता तसेच सोशल मीडियाच्या माध्यमातून सातत्यानं मदत मागत होता. शनिवारी ८ मे दिवशी केलेल्या शेवटच्या पोस्टमध्येही त्यानं चांगल्या उपचारांसाठी मदत मागितली होती. उत्तराखंड येथे राहणाऱ्या अभिनेता राहुल वोहरानं थिएटरनंतर डिजिटल प्लॅटफॉर्मवर पदार्पण केलं होतं. त्यानं काही वेब सीरिजमध्येही काम केलं होतं. काही दिवसांपूर्वीच त्याला करोनाची लागण झाली होती. आपल्या शेवटच्या फेसबुक पोस्टमध्ये राहुलनं लिहिलं, 'मलाही चांगली ट्रीटमेंट मिळाली असती तर मी सुद्धा वाचू शकलो असतो. तुमचा .' राहुलनं पुढे लिहिलं, 'लवकरच मी पुन्हा जन्म घेईन आणि चांगलं काम करेन. पण आता माझ्यात हिंमत राहिलेली नाही.' राहुलच्या निधनाच्या वृत्ताला दुजोरा देताना अरविंद गौंड यांनी लिहिलं, 'राहुल वोहराचं निधन झालं. माझा उत्कृष्ट अभिनेता आता राहिला नाही. कालच तो म्हणाला होता की त्याला चांगले उपचार मिळाला असता तर तो वाचला असता. त्याला काल राजीव गांधी हॉस्पिटलमधून आयुष्मान द्वारकामध्ये शिफ्ट करण्यात आलं होतं. पण राहुल आम्ही सर्व तुला वाचवू शकलो नाही, माफ कर, आम्ही तुझे अपराधी आहोत.' मागच्या आठवड्यातही राहुलने अनेक सोशल मीडिया पोस्टमध्ये आपल्या उपचारांसाठी मदत मागितली होती. एका पोस्टमध्ये त्यानं लिहिलं, 'मी करोना पॉझिटिव्ह आहे. रुग्णायलयात आहे. जवळपास ४ दिवसांमध्ये माझ्या तब्येतीत काहीच सुधार झालेला नाही. असं कोणतं हॉस्पिटल आहे का? ज्या ठिकाणी मला ऑक्सीजन बेड मिळेल कारण या ठिकाणी माझी ऑक्सीजन लेव्हल सतत्यानं खाली जात आहे आणि मला पाहणारं कोणीच नाही. मी दिल्लीत खूपच असहय्य होऊन ही पोस्ट करत आहे.'
from Marathi Bollywood News, Marathi Cinema News https://ift.tt/3eZqwGk
