मुंबई: टीव्ही अभिनेत्री आणि तिचा दुसरा पती यांच्या मागच्या काही दिवसांपासून सातत्यानं वाद सुरू आहेत. एवढंच नाही तर सोशल मीडियावरून या दोघांननी एकमेकांवर आरोप केले आहे. ज्याची बरीच चर्चा होताना दिसत आहे. श्वेता तिवारी तिची मुलगी पलक आणि मुलगा रेयांश यांच्यासोबत वेगळी राहते. पण आता 'खतरों के खिलाडी ११'च्या शूटिंगसाठी दक्षिण आफ्रिकेला गेलेल्या श्वेतावर अभिनव कोहलीनं गंभीर आरोप केले आहेत. मुलाला सोबत ठेवण्यावरून दोघांमध्ये वाद सुरू आहेत आणि अशातच आता श्वेतानं एक सीसीटिव्ही फूटेजचा व्हिडीओ शेअर अभिनव कोहलीची पोलखोल केली आहे. श्वेता तिवारीनं तिच्या इन्स्टाग्रामवर दोन व्हिडीओ शेअर केले आहेत. ज्यातील एका व्हिडीओमध्ये ती ज्या बिल्डिंगमध्ये राहते त्याचं CCTV फूटेज आहे. या व्हिडीओमध्ये अभिनव कोहली रेयांशला श्वेताकडून हिसकावून घेण्याचा प्रयत्न करताना दिसत आहे. शेवटी तो तिला खाली पाडवून मुलाला आपल्याकडे खेचून घेण्यात यशस्वी ठरतो. तर दुसऱ्या व्हिडीओमध्ये रेयांश खूप घाबरलेला आणि चादर अंगावर ओढून घेऊन लपताना दिसत आहे. तर श्वेता त्याला घाबरू नकोस असं समजावताना दिसत आहे. दरम्यान श्वेतानं शेअर केलेल्या CCTV फूटेजमध्ये कोणाचाही चेहरा स्पष्ट दिसत नाहीये. हे दोन्ही व्हिडीओ पोस्ट करताना श्वेतानं त्या खाली पोस्ट लिहिली आहे. तिनं लिहिलं, 'आता सत्य समोर येऊ द्या (पण हा व्हिडीओ माझ्या अकाऊंटवर जास्तवेळ राहणार नाही मी हे डिलिट करणार आहे. पण मी हे यासाठी पोस्ट करत आहे, जेणाकरून लोकांना सत्य काय आहे हे समजावं. )हेच कारण आहे की, माझा मुलगा अभिनवला घाबरत असतो.' श्वेता तिवारीनं तिच्या पोस्टमध्ये पुढे लिहिलं, 'या घटनेनंतर माझा मुलगा जवळपास महिन्याभरापेक्षा अधिक काळ घाबरलेला होता. तो एवढा घाबरलेला होता की, रात्री नीट झोपतही नसे. त्याच्या हाताला दुखापत झाली होती ज्याच्या जखमा दोन आठवडे होत्या. आताही तो त्याच्या वडिलांना भेटायला किंवा ते घरी आल्यानंतर घाबरत असतो. मी माझ्या मुलाला अशाप्रकारे मेंटल ट्रॉमामध्ये नाही ठेऊ शकत. मी त्याला सुख आणि शांतीपूर्ण आयुष्य देण्याचा पूर्ण प्रयत्न करते. पण हे खूप घातक आहे. हा माणूस माझ्या मुलांचं मानसिक आरोग्य बिघडवत आहे. हे शारीरिक शोषण नाही तर मग आणखी काय आहे. हे माझ्या सोसायटीचं CCTV फूटेज आहे.' दरम्यान अभिनव कोहलीनं सोशल मीडियाच्या माध्यमातून श्वेता तिवारीवर गंभीर आरोप केले होते. त्याचं म्हणणं आहे की, श्वेता त्याला त्याच्या मुलाला भेटू देत नाही. ती रेयांश आजारी असताना त्याला हॉटेलमध्ये एकट्याला सोडून दक्षिण आफ्रिकेला निघून गेली आहे. तर श्वेता तिवारीचं म्हणणं आहे की, तिनं पूर्ण जबाबदारीसह रेयांशला तिच्या कुटुंबासोबत ठेवलं आहे. तसेच अभिनव एक बेजबाबदार बाबा आहे.
from Marathi Bollywood News, Marathi Cinema News https://ift.tt/3uC1Kmf
