नवी दिल्ली : ट्विटरवर महत्त्वाचे अकाउंट ओळखण्यासाठी ब्लू टिक अर्थात ब्लू बॅज दिले जाते. आता कंपनीने २०१७ नंतर पहिल्यांदाच या प्रोसेसला पुन्हा सुरू केले आहे. ब्लू बॅज मिळवण्यासाठीची प्रक्रिया देखील कंपनीने सोपी केली आहे. कंपनीने यात वेगवेगळी विभागणी केली आहे. कंपनीचे म्हणणे आहे की, पुढील काही आठवड्यात व्हेरिफिकेशनसाठी नवीन व्हेरिफिकेशन अ‍ॅप्लिकेशन प्रोसेस सुरू केले जाईल. सोबतच, यानंतर काही आठवडे लोकांकडून आलेल्या अर्जांची तपासणी केली जाईल. वाचाः ब्लू टिक कोणत्याही अकाउंटची सत्यता दर्शवत असते. म्हणजेच, महत्त्वाच्या व्यक्तीचे ते खरे अकाउंट असल्याचे ही टिक दर्शवत असते. कंपनीने ही प्रक्रिया पुन्हा सुरू करण्यासोबतच नवीन नियमावली देखील जारी केले आहेत. कंपनीने म्हटले आहे की, जे यूजर ब्लू बॅजसाठी अर्ज करतील त्यांच्या अकाउंटवर गेल्या १२ महिन्यात कोणतेही उल्लंघन झालेले नसावे. यात बनावट, न्यूजफीड, कॉमेंट्री, पाळीव प्राणी, काल्पनिक पात्र, एखाद्या धोकादायक गोष्टीशी संबंधित अकाउंट, हेटफूल कॉमेंट अशा खात्यांना व्हेरिफाइड केले जाणार नाही. ट्विटर व्हेरिफाइड बॅजसाठी कोण पात्र ठरेल ? ट्विटरने ब्लू टिकसाठी अर्ज करू शकतात अशा यूजर्सची वेगवेगळ्या कॅटेगरीमध्ये विभागणी केली आहे. यात सरकार, कंपन्या, ब्रँड आणि संघटन, वृत्त संस्था आणि पत्रकार, मनोरंजन, खेळ आणि गेमिंग, कार्यकर्ता, आयोजक आणि अन्य प्रभावी व्यक्ती असा ६ कॅटेगरीमध्ये विभागणी करण्यात आली आहे. एवढेच नाही तर कंपनीने स्पष्ट केले आहे की एवढ्या कॅटेगरीमध्ये समाविष्ट असल्याने यूजर्सला ब्लू टिक मिळणार नाही. तर यासाठी अकाउंट प्रामाणिक, उल्लेखनीय आणि सक्रिय असणे आवश्यक आहे. ट्विटरचे म्हणणे आहे की ब्लू टिकसाठी अर्ज करणाऱ्यांकडे प्रोफाइल नेम आणि फोटो असलेले अकाउंट असणे गरजेचे आहे. यूजरने आपले अकाउंट मागील सहा महिन्यात लॉग इन केलेले असावे आणि अकाउंटचा एक कंफर्म ईमेल एड्रेस अथवा फोन नंबर असावा. तसेच, जे वारंवार कंपनीच्या नियमांचे उल्लंघन करतात, त्यांची ब्लू टिक देखील काढून घेतली जाईल, असे ट्विटरने स्पष्ट केले आहे. वाचाः अर्ज रद्द झाल्यास पुढे काय ? जर व्हेरिफिकेशनसाठी यूजरने केलेला अर्ज रद्द झाल्यास, ३० दिवसांनंतर पुन्हा एकदा अर्ज करता येईल. यूजरने अर्ज केल्यानंतर कंपनीकडून उत्तर येण्यास मात्र वेळ लागू शकतो. ट्विटरने स्पष्टपणे म्हटले आहे की, प्रत्येक अर्जाची कंपनीच्या व्यक्तीद्वारे तपासणी केले जाईल, सर्व माहिती व इतर गोष्टींची पूर्ण विचारपूर्वक चाचपणी करूनच निर्णय घेतला जाईल. कंपनीकडे जेव्हा अधिक अर्ज येतील, त्यावेळी काही काळासाठी अर्ज स्विकारणे बंद केले जाईल. वाचाः कसा करू शकता अर्ज ?
- पुढील काही आठवड्यात प्रत्येक यूजरला नवीन व्हेरिफिकेशन अ‍ॅप्लिकेशन Account Settings मध्ये पाहायला मिळेल. या फीचरला हळूहळू रोलआउट केले जाईल, ज्यामुळे सर्व यूजरपर्यंत फीचर पोहचण्यास वेळ लागेल.
- अर्ज करण्यासाठी यूजरला मोबाइल अ‍ॅप अथवा वेब व्हर्जनद्वारे ट्विटर अकाउंटवर जावे लागेल.
- यानंतर [...] आयकॉनवर क्लिक करून सेटिंग्मध्ये प्रायव्हसी पर्यायायवर क्लिक करावे.
- अकाउंट्समध्ये गेल्यावर Account information वर जाऊन Verification Request वर क्लिक करा.
- यूजर्स स्टार्टवर क्लिक करून रिक्वेस्ट सबमिट करू शकतात.
- अकाउंट व्हेरिफाइड करण्यासाठी यूजर्सकडून काही महत्त्वाची माहिती आणि सरकारी ओळखपत्र देखील मागितले जाईल.
- यूजर्स स्वतःच्या अधिकृत वेबसाइटला देखील रेफ्रेंस म्हणून देऊ शकतात.
from Gadget News in Marathi: Computer, Mobile, Auto News in Marathi | Maharashtra Times https://ift.tt/3fxRipu
