नवी दिल्ली : महामारीच्या दुसऱ्या लाटेमुळे देशात हाहाकार उडाला आहे. करोनारुग्णांची संख्या आणि मृतांचा आकडा दिवसेंदिवस वाढत चालला आहे. मात्र २०२० ला देशात करोना व्हायरसचा शिरकाव झाल्यापासून सायबर गुन्ह्यांमध्ये देखील वाढ झाल्याचे पाहायला मिळत आहे. भितीचा फायदा घेऊन फसवणूक करत आहे. या संकटात हे पातळी तपासण्यासाठी महत्त्वाचे डिव्हाइस ठरत आहे. अँड्राइड स्मार्टफोन्ससाठी अनेक ऑक्सिमीटर अ‍ॅप्स मोफत उपलब्ध आहेत, जे ऑक्सिजन पातळी मोजतात. परंतु, सायबर सिक्युरिटी कंपनी क्विकहेलनुसार, काही फेक ऑक्सिमीटर अ‍ॅप्स यूजर्सचा फिंगरप्रिंट डेटा चोरी करतात व , फोन पे, सारख्या अ‍ॅप्सच्या माध्यमातून फसवणूक करतात. कर्नाटकच्या डीजीपींनी देखील ट्विटर हँडलवरून याबाबत चेतावणी दिली आहे. त्यामुळे ऑक्सिमीटर अ‍ॅप फोनमध्ये डाउनलोड करण्यापूर्वी काही गोष्टीची खबरदारी घेणे आवश्यक आहे. वाचाः सर्व अ‍ॅप्स ऑक्सिजन मोजण्यासाठी उपयोगी नाही फोनद्वारे ऑक्सिजन पातळी मोजण्यासाठी त्यात सेंसर्ससारखे हार्डवेअर असणे गरजेचे असते. सर्व अँड्राइड फोन्स अशा सेंसर्ससोबत येत नाही. केवळ अ‍ॅप डाउनलोड करून ऑक्सिजन पातळी मोजता येत नाही. सॅमसंग नोट ९ आणि काही सॅमसंग फ्लॅगशिप सारखे ठराविकच फोन ऑक्सिजन पातळी मोजता येईल अशा सेंसर्ससोबत येतात. तसेच, अशा अ‍ॅप्सने मोजलेली ऑक्सिजन पातळी विश्वासार्ह्य नसते. त्यामुळे ऑक्सिजन पातळी मोजण्यासाठी असे अ‍ॅप्स, फिटनेस ट्रॅकर्स किंवा स्मार्टफोनच्या भरवश्यावर राहू नये. कारण याला वैद्यकीय संस्थांकडून परवानगी देण्यात आलेली नाही. अँड्राइड फोन्ससाठी असंख्य फेक अ‍ॅप्स क्विकहेलला काही दिवसांपूर्वी गुगल प्ले स्टोरवर असे काही फेक ऑक्सिमीटर अ‍ॅप्स आढळले आहे. अनेक थर्ड पार्टी अ‍ॅप स्टोर्सवरती देखील असंख्य फेक अ‍ॅप्स आहेत. त्यामुळे, हे समजून घेण्याची गरज आहे की ऑक्सिमीटरसाठी डिव्हाइसमध्ये विशेष हार्डवेअर असणे गरजेचे असते. केवळ एका डिव्हाइसमध्ये ते अ‍ॅप चालत आहे, याचा अर्थ तुमच्या फोनमध्ये चालेलच असे नाही. तसेच, असे अनेक फेक अ‍ॅप्स आहेत, जे दावा करतात की कॅमेरा लेंस किंवा फिंगरप्रिंट स्कॅनकवर बोट ठेवल्याने ऑक्सिजनची अचूक माहिती मिळेल. मात्र, असे अ‍ॅप्स केवळ तुमची खासगी माहिती चोरून फसवणूक करत आहेत. SMS, ईमेल किंवा WhatsApp मेसेजमधील लिंकवरून अ‍ॅप्स डाउनलोड करू नका. SMS, ईमेल किंवा WhatsApp मेसेजच्या माध्यमातून येणाऱ्या लिंकद्वारे कोणतेच अ‍ॅप डाउनलोड करू नका. यातील बहुतांश अ‍ॅप हे फेक असतात व मालवेअरच्या मदतीने तुमची माहिती चोरी करतात. तसेच, इतरांना देखील एसएमएस पाठवून माहिती चोरतात. वाचाः अनोळखी सोर्सवरून अ‍ॅप इंस्टॉलेशन बंद करा तुमच्या फोनच्या सेटिंग्समध्ये जाऊन unknown sources पासून होणारे अ‍ॅप इंस्टॉलेशन बंद करा. यामुळे गुगलने परवानगी न दिलेले अ‍ॅप्स तुमच्या फोनमध्ये इंस्टॉल होणार नाही. थर्ड पार्टी प्लॅटफॉर्मवर असंख्य अ‍ॅप्स आहेत, मात्र यामुळे फेक अ‍ॅप्स तुमच्या फोनमध्ये डाउनलोड होणार नाहीत. ऑक्सिमीटर अ‍ॅप इंस्टॉल करण्यापूर्वी तुमची कोणती माहिती मागतो ते वाचा जर ऑक्सिमीटर अ‍ॅप तुमच्याकडे कॉन्टॅक्ट्स आणि एसएमएसचा अ‍ॅक्सेस मागत असेल तर हे अ‍ॅप बनावट असण्याची शक्यता अधिक असते. ऑक्सिमीटर अ‍ॅपला कॉन्टॅक्ट्स किंवा एसएमएसच्या अ‍ॅक्सेसची गरज नसते. ऑक्सिमीटर अ‍ॅप डाउनलोड करण्यापूर्वी फेक आहे की नाही तपासा नुसार, फसवणूक करणारे अ‍ॅप्सचे ओरिजनल नाव आणि डेव्हलपर्सचे नाव वापरून अ‍ॅप बनवतात. त्यामुळे तुम्ही खरे अ‍ॅप डाउनलोड करताय ना हे पाहा. अनेकदा अ‍ॅप्सच्या डिस्क्रिप्शनमध्ये चुकीच्या स्पेलिंग, चुकीचे व्याकरण आढळते. वेबपेजवर लिंक उपलब्ध असल्यास डेव्हलपरची वेबसाइट देखील तपासा. जर तुम्हाला काही चुकीचे वाटले तर त्याचा वापर टाळा. फोनच्या सुरक्षेसाठी Antivirus अ‍ॅप वापर फेक अ‍ॅप्सपासून तुमच्या फोनच्या सुरक्षेसाठी पेड अँटीव्हायरस अ‍ॅप्सचा वापर करावा. ऑक्सिमीटर अ‍ॅप्स, गेमिंग अ‍ॅप्स अथवा इतर कोणत्याही प्रकारच्या अ‍ॅप्सपासून अँटीव्हायरस अ‍ॅप फोनला सुरक्षित ठेवते. वाचाः वाचाः वाचाः
from Gadget News in Marathi: Computer, Mobile, Auto News in Marathi | Maharashtra Times https://ift.tt/3ps5RiZ