मुंबई: बॉलिवूड अभिनेता आणि जवळपास ३ दशकांपेक्षा जास्त काळ या इंडस्ट्रीमध्ये सक्रिय आहे. दोघांनीही अनेक सुपरहिट चित्रपट दिले आहेत. पण या दोघांनी एकत्र असं फार कमी चित्रपटांमध्ये काम केलं आहे. १९९७ साली रिलीज झालेल्या '' या चित्रपटात या दोघांनी एकत्र काम केलं होतं. पण त्यानंतर दुसऱ्या कोणत्याच चित्रपटात या दोघांनी एकत्र काम केलं नाही आणि आता तर याची शक्यताच कमी आहे. एका मुलाखतीत शाहरुख खाननं अक्षय कुमारसोबत काम न करण्यामागचं कारण सांगितलं होतं. एका हिंदी वेबसाइटला दिलेल्या मुलाखतीत शाहरुख म्हणाला होता, 'मी यात काहीच करू शकत नाही. जेवढं लवकर अक्षय कुमार उठतो तेवढ्या लवकर मी सकाळी उठू शकत नाही. कारण मी झोपायला जातो ती त्याची सकाळी उठण्याची वेळ असते. त्याचा दिवस लवकर सुरू होतो. जेव्हा मी कामाला सुरुवात करतो त्यावेळी त्याचं पॅकअप सुरू होतं. तो घरी जाण्यासाठी तयार असतो. मी याबाबत त्याच्यापेक्षा खूप वेगळा आहे. या इंडस्ट्रीमध्ये अक्षय वगळता अनेक लोक असे असतील जे रात्री उशीरापर्यंत शूट करत असतात. त्यामुळे मी आणि अक्षय ऑनस्क्रीन एकत्र दिसणं कदाचित योगायोगानेच घडू शकतं.' सध्या सोशल मीडियावर अक्षय कुमार आणि शाहरुख खान यांच्या 'दिल तो पागल है' या चित्रपटाच्या सेटवरील एक जुना फोटो व्हायरल होताना दिसत आहे. या फोटोमध्ये अक्षय कुमार आणि शाहरुख क्रिकेट खेळताना दिसत आहे. अक्षय बॅटिंग करत आहे तर शाहरुख विकेट किपिंग करताना दिसत आहे. सध्या सोशल मीडियावर याच फोटोची चर्चा होताना दिसत आहे. अक्षय कुमार आणि शाहरुख खान यांच्या मुख्य भूमिका असलेला चित्रपट 'दिल तो पागल है' १९९७ साली रिलीज झाला होता. हा चित्रपट शाहरुखच्या चित्रपट कारकिर्दितील सर्वात सुपरहिट चित्रपट मानला जातो. या चित्रपटात शाहरुखसोबत माधुरी दीक्षित तर अक्षय कुमारसोबत करिश्मा कपूर या अभिनेत्री दिसल्या होत्या. प्रेक्षकांचा या चित्रपटाला उत्तम प्रतिसाद मिळाला होता. त्यामुळे शाहरुख- अक्षयची जोडी हीट झाली होती. पण त्यानंतर या दोघांनी कोणत्याच चित्रपटात एकत्र काम केलं नाही.
from Marathi Bollywood News, Marathi Cinema News https://ift.tt/35IsyGJ
