मुंबई: बॉलिवूड अभिनेता याच्या निधनाला येत्या १४ जूनला एक वर्ष पूर्ण होणार आहे. पण त्याआधी वेगवेगळ्या कारणांनी सुशांतचं नाव चर्चेत आहे. सुशांतची सहकलाकार क्रिती सेनॉननं तिच्या सोशल मीडियावर सुशांतचा एक व्हिडीओ शेअर करत त्याच्या आठवणींना उजाळा देण्याचा प्रयत्न केला आहे. या व्हिडीओसोबतच क्रितीनं एका भावनिक पोस्टही लिहिली आहे. क्रिती सेनॉननं शेअर केलेला हा व्हिडीओ सध्या सोशल मीडियावर खूप व्हायरल होताना दिसत आहे. अभिनेत्री क्रिती सेनॉननं तिच्या इन्स्टाग्रामवर शेअर केलेला सुशांतचा हा व्हिडीओ 'राब्ता' चित्रपटाच्या शूटिंगच्या वेळचा आहे. हा चित्रपट ९ जून २०१७ रोजी रिलीज झाला होता. सुशांतचे चाहतेही त्याचा हा व्हिडीओ पाहून भावुक झाले आहेत. या व्हिडीओमध्ये राब्ता चित्रपटाच्या शूटिंगच्यावेळी सुशांत आणि कशाप्रकारे मस्ती आणि एन्जॉय करत होते हे दिसत आहे. क्रिती सेनॉन ने हा व्हिडीओ शेअर करताना लिहिलं, 'तन लगे, तन मुक जाए, रूह जुड़े, जुड़ी रह जाए... जोडून ठेवण्यावर माझा विश्वास आहे. आपला जन्म त्याच लोकांना भेटण्यासाठी झालेला असतो ज्यांना आपण भेटतो यावर माझा विश्वास आहे. सुशांत डीनू आणि मॅडॉक फिल्म्स यांच्यासोबत माझा राब्ता काहीसा असाच होता. चित्रपट येतात आणि जातात. पण प्रत्येक चित्रपटाचं शूटिंग करतानाच्या असंख्य आठवणी मात्र आपल्या सोबत राहतात. आपण जी नाती तयार करतो, जे क्षण जगतो ते आपल्या आठणीत नेहमीच राहतात. राब्ता हा चित्रपट माझ्या सर्वात चांगल्या आठवणी आणि अनुभवांपैकी एक आहे आणि नेहमीच राहणार आहे. पण त्यावेळी मला माहीत नव्हतं की माझा आणि सुशांतचा हा राब्ता पहिला आणि शेवटचा होता.' क्रिती सेनॉनचा हा व्हिडीओ आतापर्यंत लाखो लोकांनी पाहिला आहे. क्रिती सेनॉन आणि सुशांतसिंह राजपूत यांच्या 'राब्ता' चित्रपटाचं दिग्दर्शन दिनेश विजन यांनी केलं होतं. हा चित्रपट बॉक्स ऑफिसवर अपयशी ठरला असला तरी सुशांत- क्रितीची जोडी मात्र प्रेक्षकांना भावली होती.
from Marathi Bollywood News, Marathi Cinema News https://ift.tt/3571SPq