महत्त्वाचा क्षण'जय भवानी जय शिवाजी' या मालिकेत मी छत्रपती शिवाजी महाराज यांची भूमिका साकारतोय, ही बाब मी माझ्या आई-बाबांना सांगितली नव्हती. दोघांना नव्हती सांगितली. मला त्यांना सरप्राइज द्यायचं होतं. एकदा एका लग्नाच्या निमित्तानं आम्ही सगळे एकत्र प्रवास करत असताना मी अचानक गाडी बाजूला लावून मी आई-बाबांना या भूमिकेविषयी सांगितलं. आपला मुलगा छत्रपती शिवरायांची भूमिका करणार हे ऐकून दोघंही खुश झाले. त्यांच्या डोळ्यातली चमक आणि आनंद पाहून मी भारावून गेलो होतो. तो क्षण माझ्या आयुष्यातील सर्वात महत्त्वाचा क्षण आहे. - भूषण प्रधान इच्छापूर्तीबाबांना मी अनेकदा गाडी चालवताना पाहिलं आहे. त्यांना त्यातून वेगळाच आनंद मिळतो हे मला त्यांच्या चेहऱ्याकडे बघून कळलं होतं. आपल्याकडे स्वत:ची गाडी असावी आणि आई-बाबांना त्यातून फिरवावं अशी माझी इच्छा होती. माझी ही इच्छा इतक्या लवकर पूर्ण होईल असं वाटलं नव्हतं. मी गाडी बुक केली. याबद्दल मी आई-बाबांना सरप्राइज देणार होते. पण करोनाकाळात ते जमलं नाही. पण त्यांना मी गाडी घेतल्याचं सांगितलं तेव्हा त्यांच्या चेहऱ्यावरचा आनंद बघण्यासारखा होता. - वनिता खरात समाधान देणारी गोष्ट'बाळूमामाच्या नावानं चांगभलं' ही मालिका सुरू झाल्यापासून मला पुष्कळ आशिर्वाद आणि शुभेच्छा मिळत आहेत. माझ्या आई-वडिलांच्या कर्मानं आणि कष्टानं मी इथवर पोहोचलोय. त्यांच्यासाठी मी जितकं करेन तितकं कमीच आहे. माझ्या बहिणीच्या लग्नाच्या खर्चाचा भार मी कमी करु शकलो. बाबांवर जास्त ताण येऊ नये म्हणून मी खर्च केला. माझ्या पहिल्या कमाईतून आई-बाबांसाठी घेतलेले कपडे ते आजही काही खास प्रसंगी परिधान करतात. हे खूप समाधान देणारं आहे. - पहिल्या कमाईची आठवणमी गाण्याचे कार्यक्रम करायचे आणि पहिला चित्रपट केला होता त्यावेळी मिळालेल्या कमाईतून मी माझ्या आई-वडिलांसाठी भेटवस्तू घेतल्या होत्या. तसंच मी आजी आजोबांनासुद्धा भेटवस्तू दिल्या होत्या. आजी आजोबांना माझ्याकडून मिळालेलं ते पहिलं गिफ्ट फार आनंद देणारं होतं. आईला मी तिच्या आवडत्या गाण्याची एक सीडी तर बाबांना ट्रेकिंग करायला आवडतं म्हणून त्यांना एक सेग बॅग दिली होती. त्यानंतर अनेकदा काहीना काही दिलं. पण पहिल्या कमाईतून त्यांच्यासाठी केलेल्या या गोष्टी मनात घर करून गेल्या. - संकलन : सुरज कांबळे
from Marathi Bollywood News, Marathi Cinema News https://ift.tt/3eVlXxE
