मुंबई- बॉलिवूडची लोकप्रिय अभिनेत्री पुन्हा एकदा यशाचा आनंद घेत आहे. 'शेरशाह' चित्रपटाला मिळालेल्या भरघोस प्रतिसादानंतर कियारा अत्यंत आनंदी आहे. कियाराच्या चाहत्यांची संख्या प्रचंड आहे. नुकतीच कियाराने अभिनेता अरबाज खान याचा कार्यक्रम 'पिंच' मध्ये हजेरी लावली होती. नुकत्याच प्रदर्शित झालेल्या प्रोमोमध्ये अरबाज कियाराला नेटकऱ्यांची तिच्याबद्दलची मतं वाचून दाखवत आहे. तर कियारादेखील तिला ट्रोल करणाऱ्यांना उत्तर देत आहे. नेटकऱ्यांसाठी कियारा आहे गर्विष्ठ कार्यक्रमात अरबाज कियाराला ट्रोल करणाऱ्यांचे कमेंट वाचून दाखवत म्हणतो की, लोकांनी कियाराला गर्विष्ठ म्हटलं आहे. अनेकांसाठी कियारा एक गर्विष्ठ अभिनेत्री आहे. नेटकऱ्यांच्या या ट्रोलवर कियारा म्हणते, 'लोक मला गर्विष्ठ म्हणतात कारण त्यांनी असेच कलाकार पाहिले असतात जे एखाद्या चित्रपटाला नकार देतात किंवा आधी हो म्हणतात आणि मग आपले हात काढून घेतात. हे पाहून चाहत्यांना वाटतं की आम्ही गर्विष्ठ आहोत. पण तसं काहीही नसतं. आमच्या वागण्यामागे देखील काही कारण असेल याचा विचार ते करत नाहीत.' युझरने दिला सोबत काम न करण्याचा सल्ला इतकंच नाही तर आणखी एका नेटकऱ्याने ट्रोल करत कियाराला चक्क अभिनेता अक्षय कुमारसोबत आणखी चित्रपट न करण्याचा सल्ला देखील दिला. यावर कियाराने तिची बाजू मांडत म्हटलं, 'आपल्याला स्वतःला या गोष्टीची जाणीव असली पाहिजे किंवा आपण ते स्वतः ठरवलं पाहिजे की आपल्याला इतरांसोबत कधी आणि किती दूर राहायचं आहे.' यासोबतच अनेक युझर्सनी कियाराने प्लॅस्टिक सर्जरी केली असल्याचं म्हटलं. यावर कियाराने उत्तर देत म्हटलं, 'इतके लोक मला म्हणतायत की मी प्लॅस्टिक सर्जरी केली आहे की मला आता स्वतःवरच शंका यायला लागलीए.' यासोबतच आणखीही काही ट्रोल्सना कियाराने मजेशीर उत्तरं दिली.
from Marathi Bollywood News, Marathi Cinema News https://ift.tt/3j8apcO
