नवी दिल्ली : चा वापर आपण एखाद्या व्यक्तीला मेसेज करण्यापासून ते व्हीडिओ-वॉइस कॉल करण्यासाठी करतो. व्हॉट्सअ‍ॅपमुळे अनेक कामं सहज सोपी होतात. यूजर्सच्या सुविधेसाठी कंपनी नवनवीन फीचर्स आणत असते. मात्र, एक असे फीचर आहे जे अद्याप स्टेबल व्हर्जनमध्ये उपलब्ध नाही. ते म्हणजे एकाच फोनमध्ये दोन WhatsApp अकाउंटचा वापर करणे. वाचा: तुम्ही कोणत्याही थर्ड पार्टी अ‍ॅपचा वापर न करता एकाच फोनमध्ये दोन वेगवेगळ्या नंबरवरून WhatsApp वापरू शकता. असे करणे खूपच सोपे असून, एकाच फोनमध्ये दोन WhatsApp अकाउंट कसे वापराल याविषयी जाणून घेऊया. एकाच फोनमध्ये असे वापरा दोन WhatsApp अकाउंट सिंगल स्मार्टफोनमध्ये दोन WhatsApp अकाउंट वापरण्यासाठी सर्वात प्रथम आपल्या फोनच्या सेटिंग्समध्ये जा. स्क्रॉल केल्यावर अ‍ॅप्लिकेशन आणि परमिशनचा पर्याय दिसेल, त्यावर क्लिक करा. त्यानंतर तुम्हाला क्लोनचा पर्याय दिसेल त्यावर क्लिक करावे लागेल. तुमच्या फोनमधील सर्व अ‍ॅप्लिकेशन तुम्हाला अ‍ॅप क्लोनमध्ये दिसतील. यातील Whatsapp वर क्लिक करायचे आहे. यावर क्लिक केल्यानंतर आणखी WhatsApp तुमच्या फोनमध्ये दिसेल. याच्या मदतीने तुम्ही एकाच फोनमध्ये दुसऱ्या नंबरने WhatsApp वापरू शकता. Settings मध्ये नसल्यास? तुम्हाला सेटिंग्समध्ये WhatsApp क्लोन फीचर न दिसल्यास सर्चमध्ये जाऊन अ‍ॅप क्लोन, ड्यूल अ‍ॅप किंवा अ‍ॅप ट्विन लिहून सर्च करू शकता. यामुळे तुम्हाला सहज हे फीचर मिळेल. Samsung च्या फोनमध्ये हे अ‍ॅप Advanced Features मध्ये Dual Messenger नावाने हे फीचर मिळेल. तुमच्या फोनमध्ये क्लोन फीचर नसले तरीही तुम्ही एकाच फोनमध्ये दोन नंबरवर WhatsApp वापरू शकता. यासाठी तुम्ही वरून Parallel Space सारख्या क्लोन मेकिंग अ‍ॅपची मदत घेऊ शकता. हे सर्व अ‍ॅप क्लोन फीचरप्रमाणेच काम करतात. दरम्यान, तुम्ही सध्या क्लोन फीचरचा वापर करू शकता. मात्र, लवकरच कंपनीकडून मल्टीपल WhatsApp अकाउंट सुविधा उपलब्ध केली जाईल. अनेक दिवसांपासून या फीचरवर काम सुरू आहे. लवकरच हे फीचर उपलब्ध होणार आहे. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/2Wv7Dpl
