मुंबई- जेव्हापासून बिग बॉस मराठीची घोषणा झाली तेव्हापासूनच या तिसऱ्या पर्वात कोणते स्पर्धक असणार याची चर्चा व्हायला सुरुवात झाली होती. काल १९ सप्टेंबरपासून तिसऱ्या पर्वाची दणक्यात सुरुवात झाली. १५ स्पर्धकांचा घरात प्रवेश झाला. आता पहिल्या दिवसाची सुरुवात झाली असून दोन खणखणीत गाण्यांनी बिग बॉसने सर्व स्पर्धकांना सकाळी उठवलं. 'दे धक्का' आणि 'उदे गं अंबे उदे' या दोन गाण्यांनी स्पर्धकांच्या पहिल्या दिवसाची दणक्यात सुरुवात झाली. यावेळी सर्व स्पर्धक अगदी आपलेपणाने एकमेकांसोबत नाचताना आणि गाण्याचा आनंद घेताना दिसले. सकाळी स्पर्धकांमध्ये दिसलेलं हे खेळीमेळीचं वातावरण दिवस संपेपर्यंत वेगळं वळण घेईल हे काही वेगळं सांगायला नको. त्यातच पहिल्या दिवशी स्पर्धकांना एलिमिनेशनचाही सामना करावा लागणार आहे. सध्या तरी हे स्पर्धक आपला पहिला दिवस जास्तीत जास्त एन्जॉय करण्याचा विचारात दिसत आहेत. आता येणारे पुढील दिवस त्यांची एकमेकांसोबतची मैत्री आणि नाती कशी बदलतात हे पाहणं उत्सुकतेचं ठरेल यात काही शंका नाही. इथे पाहा सर्व स्पर्धकांची नावं- सोनाली पाटील विशाल निकम स्नेहा वाघ उत्कर्ष आनंद शिंदे मिरा जगन्नाथ तृप्ती देसाई आविष्कार दारव्हेकर सुरेखा कुडची गायत्री दातार विकास पाटील शिवलीला पाटील जय दुधाणे मीनल शाह अक्षय वाघमारे संतोष चौधरी
from Marathi Bollywood News, Marathi Cinema News https://ift.tt/3lJ6nYk
