मुंबई- छोट्या पडद्यावर दणक्यात सुरू झालेला कार्यक्रम '' ने सोशल मीडियावर धुमाकूळ घातला आहे. सर्व १५ सदस्यांची घरात एण्ट्री झाली आहे. एकीकडे काही सदस्य एकमेकांसोबत जुळवून घेताना दिसत आहेत तर दुसरीकडे काही सदस्यांमध्ये वाद झालेले पाहायला मिळत आहेत. परंतु, कार्यक्रमाच्या ग्रॅण्ड सोहळ्याला एका गोष्टीने संपूर्ण प्रेक्षकवर्गाचं लक्ष आपल्याकडे वेधलं. ती म्हणजे आपल्या पूर्वाश्रमीच्या पतीला पाहून स्नेहा वाघने दिलेली प्रतिक्रिया. लोकप्रिय अभिनेत्री स्नेहा हिने 'बिग बॉस मराठी ३' मध्ये तिसरी सदस्य म्हणून प्रवेश केला. त्यानंतर स्नेहाचा पूर्वाश्रमीचा पती यानेही बिग बॉसच्या घरात प्रवेश केला. आविष्कारला पाहून स्नेहाच्या चेहऱ्यावरील जणू रंग उडाला होता. त्याला घरात पाहून स्नेहा नाखुश तर होतीच सोबतच आश्चर्यचकित देखील होती. आविष्कारला पाहून स्नेहाने दिलेल्या प्रतिक्रियेने कित्येक प्रेक्षकांचं लक्ष वेधून घेतलं. या दोघांमध्ये काहीतरी नातं आहे याचा अनेक नेटकऱ्यांनी अंदाज बांधला. स्नेहाची प्रतिक्रिया आता सोशल मीडियावर चर्चेचा विषय बनला आहे. अनेक नेटकऱ्यांनी यावर आपल्या प्रतिक्रिया दिल्या आहेत. एका युझरने म्हटलं, बिग बॉसच्या टीआरपीसाठी यांना कार्यक्रमात आणलं गेलं आहे.' तर आणखी एका युझरने म्हटलं, 'स्नेहा खरंच चकित झाली होती. ती तिची खरी प्रतिक्रिया होती. ती एक खूप चांगली अभिनेत्री आहे पण यामुळे तिच्या खेळावर परिणाम होऊ शकतो.' स्नेहा आणि तिचा पूर्वाश्रमीचा पती आविष्कार दारव्हेकर यावेळेस एकाच घरात राहणार आहेत. त्यामुळे त्यांच्या पूर्वीच्या आयुष्याबद्दल ते काही बोलणार का? त्यांच्या नात्याबद्दल आणखी कोणते खुलासे होणार का? हे पाहण्यासाठी प्रेक्षक उत्सुक झाले आहेत.
from Marathi Bollywood News, Marathi Cinema News https://ift.tt/3CuCemt
