मुंबई : सध्या प्रेक्षकांमध्ये खूपच लोकप्रिय झाले आहे. या कार्यक्रमात होणारी भांडणे, वादावादी, एकमेकांची छेडछाड, रोमान्स तसेच कार्यक्रमात स्पर्धकांसाठी असलेले टास्क यासाठी लोकप्रिय झाला आहे. या कार्यक्रमामध्ये होणारी प्रेम प्रकरणं, मैत्रीचे वेगवेगळे रंग बघायला मिळत आहेत. दररोज या कार्यक्रमात स्पर्धकांची एकमेकांसोबतची नाती बदलत जाताना प्रेक्षकांनी पाहिलं. प्रेक्षक देखील हे सर्व छान एन्जॉय करत आहेत. अशामध्ये निर्मात्यांनी वूटवर एक प्रोमो रिलीज केला आहे. या व्हिडिओमध्ये टास्क सुरू असताना प्रतीक सहजपाल याला किस करताना दिसत आहे. सोशल मीडियावर युझर्सना हा व्हिडिओ खूपच आवडला आहे. काय आहे व्हिडिओमध्ये या व्हिडिओमध्ये नेहा भसीनच्या उपस्थितीमध्ये शमिता शेट्टी आणि प्रतीक सहजपाल एक टास्क करताना दिसत आहे. यावेळी शमिता आणि प्रतिक एकमेकांवर कुरघोडी करण्याचा प्रयत्न करताना दिसत आहे. टास्कवेळी प्रतीक त्याचा गाल शमिताजवळ नेतो. तेव्हा शमिता त्याच्या गालावर किस करते. या कार्यक्रमाच्या सुरुवातीला स्पर्धकांमध्ये काही कनेक्शन जुळली होती. ही कनेक्शन काही दिवसांपूर्वी तुटली. त्यानंतर स्पर्धकांचा गेम बदलला. या कार्यक्रमात नेहा- प्रतीक, शमिता- राकेश, मूस- निशांत यांचे कनेक्शन होते. तर दिव्या अग्रवाल एकटीने खेळत होती. याआधी बिग बॉस ओटीटीच्या घरात शमिताने नेहाला तिच्या पहिल्या बॉयफ्रेंडबद्दल सांगितले. शमिताने सांगितले की, तिच्या पहिला बॉयफ्रेंडचा कार अपघातामध्ये मृत्यू झाला. हे सांगताना तिच्या डोळ्यात पाणी आले. ही घटना घडलीतेव्हा शमिता केवळ १८ वर्षांची होती. या वयात बॉयफ्रेंड गमावण्याचे दुःख तिला सोसावे लागले होते. हे दुःख इतके होते की यामुळे ती खचून गेली होती. त्यामुळेच शमिताने इतक्या वर्षांत तिच्या आयुष्यात कुणालाही येऊ दिले नव्हते. दरम्यान, बिग बॉस ओटीटीमध्ये शमिता सहभागी झाली. या कार्यक्रमामध्ये तिला राकेश आवडू लागला. परंतु या दोघांमध्ये अलिकडेच भांडण झाले. या भांडणामुळे ते एकमेकांपासून दूर गेले आहेत. दरम्यान, शमिता राकेशला डॉमिनेट करत असल्याचा मुद्दा अनेकदा निशांत आणि प्रतिकने मांडला होता. त्यामुळे शमिता खूपच भडकली होती. त्यावर राकेशने काहीच प्रतिक्रिया व्यक्त केली नाही. ही गोष्टच कदाचित शमिताला आवडली नाही. यावरूनच त्यांच्यात दुरावा आला आहे.
from Marathi Bollywood News, Marathi Cinema News https://ift.tt/390yz3e