मुंबई- अभिनेता सिद्धार्थ शुक्लाच्या आकस्मिक निधनाने सर्वांनाच धक्का बसला आहे. गुरुवारी (२ सप्टेंबर) सकाळी हृदयविकाराच्या झटक्याने सिद्धार्थचा मृत्यू झाला. अजूनही सिद्धार्थ आपल्यात नाही यावर कोणाला विश्वास बसत नाही. सिद्धार्थची जवळची मैत्रीण शहनाज गिलची अवस्था वाईट आहे. शहनाजचे वडील संतोख सिंग यांनी सांगितले होते की, सिद्धार्थच्या मृत्यूनंतर शहनाज बोलण्याच्या मनःस्थितीत नाही. ती काहीच बोलत नाहीए. दरम्यान, आता सिद्धार्थने शहनाजच्या मांडीवर अखेरचा श्वास घेतला असल्याची माहिती मिळाली आहे. ETimes मधील एका अहवालानुसार, सिद्धार्थ शुक्लाच्या अंत्यदर्शनासाठी त्याच्या घरी अनेक लोक पोहोचत आहेत. अनेक सेलिब्रिटींनीही त्याच्या घरी हजेरी लावली. दरम्यान, शोक व्यक्त करायला पोहोचलेल्या व्यक्तींनी आणि अन्य सूत्रांनी सांगितले की, शहनाजला मोठा धक्का बसला आहे आणि सिद्धार्थ आता या जगात यावर तिचा विश्वास बसत नाहीए. अस्वस्थ वाटू लागल्यावर आईने दिलं पाणी, खायला दिलं आईस्क्रीम सांगितले जात आहे की सिद्धार्थ बुधवारी रात्री ९.३० वाजता घरी परतला आणि त्यानंतर त्याला अस्वस्थत वाटू लागलं. त्यावेळी सिद्धार्थची आई आणि घरी उपस्थित होते. आधी त्यांनी सिद्धार्थला लिंबू पाणी दिले आणि नंतर आईस्क्रीम खायला दिले, जेणेकरून त्याला थोडा आराम वाटेल. पण सिद्धार्थला बरं वाटलं नाही. त्याला पुन्हा छातीत दुखू लागलं आणि अस्वस्थ वाटू लागलं. मग आईने आणि शहनाजने त्याला थोडा आराम करण्यास सांगितले. शहनाजला पाठ थोपटवायला सांगितली आणि तिच्याच मांडीवर झोपला सूत्रांनी सांगितले की सिद्धार्थ शुक्लालै झोप लागत नव्हती म्हणून त्याने शेहनाजला त्याच्या शेजारीच बसण्यास आणि पाठीवरून हात फिरवण्यास सांगितले. रात्री १.३० च्या सुमारास सिद्धार्थ शहनाजच्या मांडीवरच झोपला आणि झोपेतच त्याचा मृत्यू झाला. मध्यरात्री शहनाजचाही डोळा लागला. जेव्हा शहनाजला सकाळी ७ वाजता जाग आली तेव्हा तिने पाहिले की सिद्धार्थ रात्रभर एकाच स्थितीत झोपला होता आणि त्याची काहीच हालचाल होत नव्हती. हे पाहून शहनाजने सिद्धार्थला उठवण्याचा प्रयत्न केला, पण काहीच हालचाल झाली नाही. सिद्धार्थला पाहून शहनाज घाबरली असे सांगितले जात आहे की शहनाज खूप घाबरली होती आणि १५ व्या मजल्यावरून धावत ती ५ व्या मजल्यावर गेली, जिथे सिद्धार्थचं कुटुंब राहत होते. तिने सिद्धार्थच्या बहिणींना बोलावले. नंतर लगेच फॅमिली डॉक्टरला फोन केला. फॅमिली डॉक्टर घरी आल्यावर त्यांनी सिद्धार्थला मृत घोषित केले. सिद्धार्थच्या जवळील व्यक्तींपैकी एक होती शहनाज शहनाज गिल 'बिग बॉस १३' मध्ये सिद्धार्थला भेटली आणि त्या दरम्यान त्यांची मैत्री घट्ट झाली. चाहत्यांना त्यांची जोडी खूप आवडली होती. त्या दोघांना प्रेमाने चाहते 'सिडनाज'ही म्हणायचे. शहनाज गिल आणि एकमेकांच्या फार जवळ होते. शहनाजने अनेकदा तिचं सिद्धार्थवर प्रेम असल्याचं सांगितलं होतं. अशा परिस्थितीत सिद्धार्थच्या अचानक जाण्याने शहनाजला मोठा धक्का बसला आहे.
from Marathi Bollywood News, Marathi Cinema News https://ift.tt/2WQ3rk5
