५००० mAh च्या दमदार बॅटरीसह Oppo A16 भारतात लाँच, किंमत १४,००० पेक्षाही कमी, पाहा फीचर्स

नवी दिल्ली : Oppo A16 स्मार्टफोन भारतात MediaTek Helio G35 चिपसेटसह लाँच करण्यात आला असून हे डिव्हाइस Oppo A15 ची अपग्रेड केलेली आवृत्ती आहे. या स्मार्टफोनमध्ये वॉटर ड्रॉप नॉच सेल्फी कॅमेरा देण्यात आला आहे. ज्याची बेझल थोडी जाड आहे. या व्यतिरिक्त, डिव्हाइसला स्मार्ट बॅटरी प्रोटेक्शन फीचरसह ५,००० mAh ची बॅटरी मिळेल. सर्वात महत्वाची गोष्ट म्हणजे, फोनची किंमत बजेटमध्येच आहे. वाचा: Oppo A16 किंमत : Oppo A16 स्मार्टफोनच्या ४GB RAM + ६४GB स्टोरेज व्हेरिएंटची किंमत १३,९९० रुपये आहे. हा फोन क्रिस्टल ब्लॅक आणि पर्ल ब्लू रंगाच्या पर्यायांमध्ये उपलब्ध असून ग्राहकांना डिव्हाइस ऑफलाईन स्टोअर्स, अधिकृत वेबसाइट आणि अमेझॉन इंडिया वरून खरेदी करता येईल. ऑफर्सबद्दल सांगायचे तर, ग्राहकांना Oppo A16 खरेदीवर ७५० रुपयांची सूट आणि नो-कॉस्ट EMI सारख्या ऑफर्स मिळतील. Oppo A16 चे वैशिष्ट्ये : Oppo A16 स्मार्टफोनमध्ये ड्युअल-सिम स्लॉट आहे. हा स्मार्टफोन अँड्रॉइड ११ आधारित ColorOS ११.१ ऑपरेटिंग सिस्टमवर काम करतो. या डिव्हाइसमध्ये ६.५२ इंचाचा HD+ LCD डिस्प्ले आहे. याचे रिझोल्यूशन ७२०x १६०० पिक्सेल आहे. या डिव्हाइसमध्ये मीडियाटेक हेलियो जी ३५ चिपसेट, ४ जीबी रॅम आणि ६४ जीबी स्टोरेज आहे, जे मायक्रो एसडी कार्डच्या मदतीने वाढवता येते. Oppo A16 कॅमेरा : Oppo A16 स्मार्टफोनमध्ये ट्रिपल रियर कॅमेरा सेटअप आहे. यात पहिला १३ MP प्राथमिक सेन्सर, दुसरा २ MP बोकेह लेन्स आणि तिसरा २ MP मॅक्रो लेन्स आहे. तर फोनमध्ये सेल्फी आणि व्हिडिओ कॉलिंगसाठी ८ एमपी कॅमेरा मिळेल. Oppo A16 बॅटरी : Oppo A16 स्मार्टफोनमध्ये ५,००० mAh ची बॅटरी आहे. बॅटरी स्मार्ट बॅटरी प्रोटेक्शनला सपोर्ट करते. यात फेस अनलॉकसह साइड माऊंटेड फिंगरप्रिंट सेन्सर आहे. या व्यतिरिक्त, स्मार्टफोनमध्ये कनेक्टिव्हिटीसाठी वाय-फाय, जीपीएस, ब्लूटूथ आणि यूएसबी पोर्ट सारखी वैशिष्ट्ये उपलब्ध असतील. त्याचबरोबर या फोनचे वजन १९० ग्रॅम आहे. वाचा: वाचा: वाचा:

from Gadget News in Marathi: Computer, Mobile, Auto News in Marathi | Maharashtra Times https://ift.tt/2Xz4BRN