मुंबई : बॉलिवूडमधील कलाकार असो वा टेलीव्हिजनवरील कलाकार. प्रत्येकाचीच आरामदायी जीवनशैली आहे.. प्रत्येक कलाकाराच्या कपड्यांची स्टाईल ते त्यांच्या खाण्यापिण्याच्या सवयी वेगवेगळ्या असतात. मोठ्या पडद्यावर काम करणा-या कलाकारांच्या झगमगत्या जीवनशैलीमध्ये सर्वात महत्त्वाची गोष्ट म्हणजे त्यांची व्हॅनिटी व्हॅन आहे. चित्रीकरणावेळी कलाकाराची व्हॅनिटी व्हॅन हे त्यांचे दुसरे घर असते. त्यामुळेच या कलाकारांच्या व्हॅनिटी व्हॅन देखील आलिशान असतात. जाणून घेऊ या बॉलिवूडमधील कोणत्या कलाकारांच्या स्वतःच्या व्हॅनिटी व्हॅन आहेत हे जाणून घेऊयात.. अल्लू अर्जुन टॉलीवूडचा लोकप्रिय अभिनेता अल्लू अर्जुन त्याच्या स्टाईल आणि शानदार अभिनयासाठी दाक्षिणात्य सिनेसृष्टीत ओळखला जातो. त्याचबरोबर देशा- परदेशातही तो लोकप्रिय आहे. अल्लू अर्जुनच्या व्हॅनिट व्हॅनबाबत सांगायचे तर भारतामधील सर्वात महागडी व्हॅनिटी त्याच्याकडे आहे. या व्हॅनिटीची किंमत सुमारे ७ कोटी रुपये इतकी आहे. संजय दत्त बॉलिवूडचा प्रसिद्ध अभिनेता संजय दत्त. संजयकडे स्वतःच्या मालकिची Van AXL ही व्हॅनिटी व्हॅन आहे. त्याची किंमत जवळपास ३.१५ कोटी रुपये इतकी आहे. बॉलिवूडचा बादशहा शाहरुख खान कडे 'Volvo BR9' ही व्हॅनिटी व्हॅन आहे. दिलीप छाब्रियाने डिझाईन केलेल्या या व्हॅनची किंमत ५ कोटी रुपये इतकी आहे. या व्हॅनची लांबी १८ मीटर इतकी आहे. हिंदी सिनेमातील आघाडीचा आणि लोकप्रिय अभिनेता म्हणून हृतिक रोशन ओळखला जातो. हृतिककडे ३ कोटी रुपयांची स्वतःची व्हॅनिटी व्हॅन आहे. या व्हॅनची लांबी १२ मीटर आहे. या व्हॅनमध्ये ऑफिस तर आहेच शिवाय टॉयलेट आणि वॉशरूमदेखली आहे. हृतिकची ही व्हॅनिटी व्हॅन 'Mercedes V- class'ची आहे. बॉलिवूडचा भाईजान अर्थात सलमान खान. सलमानकडे स्वतःच्या मालकीची ४ कोटींची व्हॅनिटी व्हॅन आहे. या व्हॅनमध्ये एक हॉल आणि दोन खोल्या आहेत. त्याशिवाय टॉयलेट-वॉशरूमही आहे. सलमानच्या या व्हॅनिटीचे डिझाईनही दिलीप छाब्रिया यांनी केले आहे. रितेश देशमुख उत्तम विनोद बुद्धी आणि त्याचे नेमके टायमिंग पकडणारा अभिनेता म्हणून रितेश देशमुखची हिंदी सिनेसृष्टीमध्ये वेगळी ओळख आहे. एक गुणी अभिनेता असलेल्या रितेशच्या मालिकीची व्हॅनिटी व्हॅन असून त्याची किंमत २ कोटी इतकी आहे. या व्हॅनमध्ये बेडरूम, टॉयलेट, वॉशरूमबरोबरच एक बेबी रूमही आहे. बॉलिवूडचा खिलाडी अर्थात अक्षय कुमार. अक्षयचीही स्वतःच्या मालकीची व्हॅनिटी व्हॅन असून त्याची किंमत सुमारे २.९ कोटी रुपये इतकी आहे. या व्हॅनिटीची लांबी १४ मीटर इतकी आहे. रणबीर कपूर अभिनेता रणबीर कपूरही बॉलिवूडमधील आघाडीची अभिनेता म्हणून ओळखला जातो. रणबीरकडेही स्वतःची व्हॅनिटी व्हॅन आहे. रणबीरच्या व्हॅनिटीमध्ये अनेक सुविधा तर आहेच शिवाय तिथे एक गेमिंग झोनही आहे.
from Marathi Bollywood News, Marathi Cinema News https://ift.tt/3txCEFv