मुंबई : ड्रग्ज प्रकरणात बॉलिवूड अभिनेता शाहरुख खानचा मुलगा आर्यन खानला झालेल्या अटकेनंतर त्याचे कुटुंबीय खूपच चिंताग्रस्त आहे. शाहरुखच्या ‘मन्नत’ या घरात सध्या वातावरण खूपच तणावग्रस्त आहे. शाहरुख आणि गौरी वकील आणि निकटवर्तीयांसोबत फोनवर सतत बोलत आहेत. आर्यन तुरुंगात असल्यामुळे गौरीला जेवण गोड लागत नाहीए. शाहरुख आणि गौरीच्या एका जवळ्या मित्राने दिलेल्या माहितीनुसार, दोघेही दिवसागणिक अधिक चिंतीत होत आहेत. गौरीने आर्यनसाठी एक ‘मन्नत’ म्हणजेच नवस केला आहे. नवरात्रीत गौरी आर्यनसाठी प्रार्थना करत होती. उत्सव सुरू झाल्यापासून गौरीने गोड खाणं सोडलं आहे. तिने साखरेच्या एका कणालासुद्धा हात लावलेला नाही. शाहरुख खानचे आवाहन इतक्यात ‘मन्नत’वर येऊ नका, असे शाहरुख खानने आपल्या सेलिब्रिटी मित्रांना कळवले आहे. तसेच शाहरुख आणि गौरीने आर्यनसाठी प्रार्थना करण्याचे आवाहन मित्रांना केले आहे. या प्रकरणानंतर सलमान खान शाहरुखच्या घरी तीनदा येऊन गेला. शाहरुखच्या या कठीण काळात सलमानने त्याला संपूर्ण पाठिंबा दिला. तसेच या प्रकरणात वैयक्तिकरित्या बारकाईने लक्ष घातले आहे. सलमानचे वकील अमित देसाई या प्रकरणात सहभागी झाले आहेत. तेसुद्धा न्यायालयात आर्यनची बाजू मांडत आहेत. सलमान दररोज शाहरुखशी चर्चा करत असून, तो आपला सल्लाही देत असतो. एनसीबीकडून आंतरराष्ट्रीय संबंधांचा आरोप एनसीबीने आर्यनला मुंबईजवळ एका क्रूझमधून अटक केली होती. त्यावेळी आर्यनकडे अमली पदार्थ आढळले नाहीत. परंतु आर्यनचा या प्रकरणात आंतरराष्ट्रीय संबंध आहेत, असा आरोप एनसीबीने केला आहे. आर्यनला सध्या जामिन मिळविण्यात अडचणी येत आहेत. एनसीबी आणि आर्यनच्या वकिलांदरम्यान न्यायालयात दीर्घकाळ वाद-प्रतिवाद झाले. १४ ऑक्टोबरनंतर न्यायालयाने आता २० ऑक्टोबरपर्यंत सुनावणी लांबणीवर टाकली आहे. गेल्या सुनावणीत आर्यनला जामिन मिळेल असा आशावाद शाहरुख आणि गौरीला वाटला होता. परंतु तसे होऊ शकले नाही.
from Marathi Bollywood News, Marathi Cinema News https://ift.tt/3n3VMYG
