मुंबई : बॉलिवूड अभिनेत्री आपल्या बोल्ड लाइफस्टाइलसाठी ओळखली जाते. सोशल मीडियावर तिचे अनेक फोटो आणि व्हिडिओ शेअर होतात. त्यातलाच एक व्हिडिओ समोर आला असून, तो चांगलाच व्हायरल होत आहे. आयफोन १३ हा फोन किती महाग आहे, हे तर सर्वांनाच ठाऊक आहे. सर्वसामान्यांना तो घेताना अनेकदा विचार करावा लागतो. परंतु त्याचा वापर करणे सेलिब्रिटींसाठी मोठी गोष्ट नाहीए. उर्वशीसुद्धा आयफोन १३ वापरते, पण नुकताच हा फोन हातातून पडल्यामुळे तिला चांगलाच धक्का बसला. फोटोग्राफर्स झाले हैराण उर्वशी एका मीटिंगसाठी टी-सीरिजच्या ऑफिसमध्ये पोहोचली होती. कारमधून उतरल्यानंतर तिच्या हातातून फोन निसटून पडला. त्यानंतर ती जोरात ओरडली आणि फोन उचलला. त्यादरम्यान तिथे उपस्थित फोटोग्राफर्ससुद्धा दचकले. एका छायाचित्रकाराच्या तोंडून सहजपणे ‘अरे बाप रे’ अशी प्रतिक्रियाही आली. उर्वशी या चित्रपटांत दिसणार कामाच्या बाबतीत बोलायचे झाल्यास उर्वशी लवकरच सायन्स फिक्शन ‘द लेजंड’ या बिग बजेट सिनेमात दिसणार आहे. चित्रपटाचे शुटींग चेन्नईमध्ये झाले आहे. त्याशिवाय ती ‘इन्स्पेक्टर अविनाश’ या वेब सीरिजमध्ये रणदीप हुड्डासोबत दिसणार आहे. ती ‘थिरुतू पायले २’ च्या हिंदी रिमेकमध्येसुद्धा दिसणार आहे. उर्वशी अभिनयासह मॉडेलिंगसुद्धा करते. तिने २०१५ मध्ये मिस दिवा सौंदर्य स्पर्धेत सहभाग घेतला होता. तसेच २०१५ मध्ये झालेल्या मिस युनिव्हर्स स्पर्धेत भारताचे प्रतिनिधीत्व केले होते. ‘सिंह साब द ग्रेट’ या चित्रपटातून तिने बॉलिवूडमध्ये पदार्पण केले होते. त्यानंतर ‘सनम रे’, ‘ग्रेट ग्रँड मस्ती’, ‘हेट स्टोरी ४’ आणि ‘पागलपंती’ या चित्रपटांमध्ये तिने काम केले आहे.
from Marathi Bollywood News, Marathi Cinema News https://ift.tt/3aIj6FE
