मुंबई: '' कार्यक्रमात आणखी एका स्पर्धकाने १ कोटी रुपये जिंकले आहेत. हा स्पर्धक कोण आहे, कुठून आहे याची माहिती कार्यक्रमाच्या निर्मात्यांनी अद्याप जाहीर केलेली नाही. परंतु आगामी भागाचा प्रोमो सोशल मीडियावर रिलीज करण्यात आला आहे. या प्रोमोमध्ये हॉट सीटवर बसलेल्या स्पर्धकाला कार्यक्रमाचे सूत्रसंचालक ७ कोटी रुपयांचा प्रश्न विचारताना दिसत आहेत. कौन बनेगा करोडपती १३ कार्यक्रमाच्या आगामी भागाच्या प्रोमोत सुरुवातीला बच्चन हॉट सीटवरील स्पर्धकाला १ कोटी रुपयांचा प्रश्न विचारताना दिसतात. स्पर्धक त्या प्रश्नाचे उत्तर देतो परंतु ते बरोबर आहे की नाही याची त्याला खात्री नसते. त्यावर अमिताभ त्याला म्हणतात की जर हे उत्तर अचूक आले तर १ कोटी रुपये तुम्ही जिंकाल. त्यावर तो स्पर्धक हा खेळ पुढे सुरू ठेवतो. एक कोटी रुपयांचे उत्तर तो अचूक देतो. त्यामुळे या स्पर्धकाच्या रुपाने ला आणखी एक करोडपती स्पर्धक मिळाला आहे. केबीसी १३ चा हा भाग पुढील आठवड्यात २० आणि २१ ऑक्टोबर रोजी प्रसारित केला जाणार आहे. आता १ कोटी रुपयांच्या प्रश्नाचे अचूक उत्तर देणाऱ्या हा स्पर्धक ७ कोटी रुपयांचे उत्तर अचूक देऊ शकणार आहे का याची उत्सुकता आता सगळ्यांना लागली आहे. दरम्यान, केबीसीच्या १३ व्या पर्वामध्ये आतापर्यंत दोन स्पर्धकांनी १ कोटी रुपये जिंकले आहेत. परंतु ७ कोटी रुपये अद्याप एकालाही जिंकता आलेले नाही. केबीसीच्या १३ व्या पर्वामध्ये सर्वात आधी दृष्टीहिन हिमानी बुंदेला यांनी १ कोटी रुपये जिंकले होते. आता या भागातील स्पर्धकानेही १ कोटी रुपये जिंकले आहेत. दरम्यान, केबीसी १३ मध्ये अनेक स्पर्धक १ कोटी रुपयांच्या प्रश्नापर्यंत जाऊन पोहोचलेत परंतु एकालाही त्या प्रश्नाचे उत्तर देता आलेले नाही.
from Marathi Bollywood News, Marathi Cinema News https://ift.tt/3BR8LTX
