मुंबई : ड्रग्ज प्रकरणामुळे आर्यन खानचा मित्र हा चर्चेत आला आहे. अरबाज आणि आर्यनला एनसीबीने एकत्र क्रुझवरून ताब्यात घेतले होते. आता अरबाझ आणि आर्यन खान दोघेही तुरुंगातून बाहेर आले आहेत. दर शुक्रवारी दोघं मुंबईतील एनसीबीच्या कार्यालयात हजेरी लावण्यास जातात. अरबाझ वडील अस्लम मर्चंट यांच्यासह एनसीबीच्या कार्यालयात आला होता. यावेळचा दोघांचा एक व्हिडिओ समोर आला असून तो सोशल मीडियावर खूपच व्हायरल झाला आहे. एनसीबी कार्यालयाबाहेर काय घडले ड्रग्ज प्रकरणी आर्यन खान आणि अरबाझ मर्चंट, मुनमुन धमेचा यांना सशर्त जामीन मिळाला. हा जामीन देताना न्यायालयाने त्यांना दर शुक्रवारी एनसीबीच्या कार्यालयात हजेरी लावण्याची अट घातली. शुक्रवार असल्यामुळे अरबाझ मर्चंट वडिलांसोबत एनसीबी कार्यालयात गेला होता. त्यावेळी तिथे अनेक छायाचित्रकार उपस्थित होते. अरबाझ हजेरी लावल्यानंतर एनसीबी कार्यालयातून बाहेर आला. तिथे त्याचे वडील उभे होते. अरबाझ बाहेर आल्यावर तिथे उपस्थित असलेले छायाचित्रकार त्या दोघांना पोझ देण्यास सांगतात. अरबाझ त्यांच्याकडे दुर्लक्ष करून पुढे जातो, पण त्यावेळी वडील त्याला थांबवतात आणि फोटोसाठी पोज देण्यास सांगतात. त्यांचं असं वागणं पाहून अरबाझ प्रचंड वैतागतो. तरी देखील काही सेकंद तिथे तो थांबतो. त्यानंतर तिथून निघून जात असताना वडील त्याला परत फोटोसाठी पोझ द्यायला सांगतात. त्यावेळी अरबाझ वडिलांवर संतापतो आणि कपाळाला हात मारतो आणि वैतागून म्हणतो 'स्टॉप इट डॅड...' तिथून तो रागाने निघून जातो आणि गाडीमध्ये जाऊन बसतो. अरबाझ आणि त्याच्या वडिलांचा हा व्हिडीओ सध्या सोशल मीडियावर तुफान व्हायरल झाला आहे. मुंबई उच्च न्यायालयाने २९ ऑक्टोबरला आर्यन खान, अरबाज मर्चंट आणि मुनमुन धमेचा यांचा जामीन मंजूर केला होता. न्यायालयाने दिलेल्या आदेशानुसार तिघांना १४ अटींवर जामीन देण्यात आला होता. त्यामध्ये या तिघांना प्रत्येकी १ लाख रुपयांच्या जामीनदारावर आणि तत्सम रकमेच्या दोन जामिनावर सोडण्याचे आदेश दिले होते. पोलिसांना कळवल्याशिवाय कोणीही मुंबई सोडू शकणार नाही, त्यांना दर शुक्रवारी एनसीबीसमोर हजर राहावे लागेल, असे या अटींमध्ये नमूद केले आहे.
from Marathi Bollywood News, Marathi Cinema News https://ift.tt/3D0WQCy