मुंबई- '' च्या मागील भागात उमर रियाझ आणि यांच्यात बाचाबाची झाली होती, त्यावर बिग बॉसने उमरच्या वागण्याचा निर्णय आता प्रेक्षक वीकेंडला घेणार आहेत. त्याचवेळी या सगळ्यावर उमरच्या वडिलांची प्रतिक्रिया आली आहे. त्यांनी बिग बॉसला मुलासोबत निष्पक्ष राहण्याचं आवाहन केलं आहे. रश्मी आणि देवोलीनाच्या टास्कदरम्यान आणि प्रतीक सहजपाल यांच्यात जोरदार भांडण झालं होतं. टास्क दरम्यान उमर देवोलीनाच्या हातातील कापड कात्रीने कापत होता. यादरम्यान देवोलीनाचा अंगठा कापला जातो. दुसरीकडे, प्रतीकदेखील रश्मीला पराभूत करण्याचा सर्वतोपरी प्रयत्न करतो, परंतु उमर तिच्यावर सतत पाणी फेकतो. याच मुद्द्यावरून उमर आणि प्रतीक एकमेकांशी भिडले. दोघांमधील भांडण हाणामारीपर्यंत पोहोचलं. यानंतर बिग बॉस म्हणतात, 'बिग बॉसच्या घरात बळाचा वापर करण्यावर बंदी आहे. अनेकवेळा अशाप्रकारची वागणूक तुम्हाला शोमधूनही बाहेर काढू शकते, असा इशाराही देण्यात आला होता. सतत इशारा द्यावा लागलेल्या स्पर्धकांमध्ये उमरचं नाव आघाडीवर आहे. ज्याला अशा वागणुकीसाठी एक-दोनदा नव्हे, तर अनेकवेळा ओरडण्यात आलं, पण त्यांच्या वागण्यात थोडासाही बदल झाला नाही. त्यामुळे आता 'वीकेंड का वार' मध्ये त्यांचं वागणं योग्य की अयोग्य हे प्रेक्षक ठरवतील. उमर यावेळी बिग बॉसची माफीही मागताना दिसत आहे. आता उमरचे वडील रियाझ अहमद चौधरी यांनी ट्विटरवर पोस्ट करत मुलाचं समर्थन केलं आहे. त्यांनी लिहिले की, 'बिग बॉस उमरसोबत निष्पक्ष राहा. होय, घरात धक्काबुक्की आणि मारहाण करण्यास परवानगी नाही. पण टास्कदरम्यान स्पर्धकांना अनेकदा भडकवले जाते, त्यामुळे त्यांच्यात वादावादी होते आणि नंतर हे प्रकरण हाणामारीपर्यंत पोहोचते. याचा अर्थ उल्लंघन होत नाही. उमरचे वडील अहमद चौधरी यांनी टास्कदरम्यान प्रतीकवर उमरला भडकवल्याचा आरोप केला. काही दिवसांपूर्वीच उमरच्या समर्थनात चाहत्यांनी 'बीबी बी फेअर विथ उमर रियाज' हा ट्रेंड सुरू केला होता. अनेक फोटो आणि व्हिडिओ पोस्ट करून, प्रतिकची चूक असल्याचा दावा केला गेला होता. यात प्रतिकने उमरचा गळा दाबून धरलेला दिसत होता. यासोबतच एकाने तलवार बनवण्याच्या टास्कचा व्हिडिओही पोस्ट केला होता, ज्यात दावा करत प्रतिकने राजीव अडातियाला कसे ढकलले, खाली ओढले ते दाखवण्यात आले. वीकेंड का वारमध्ये उमर रियाझच्या विरोधात जनता काय निर्णय घेणार हे पाहणे बाकी आहे. असं असलं तरी टास्क जिंकल्यानंतर त्याचा चार व्हीआयपी सदस्यांच्या यादीत समावेश करण्यात आला आहे.
from Marathi Bollywood News, Marathi Cinema News https://ift.tt/3qRAIXs
