मुंबई: मुंबई: स्टँड-अप कॉमेडियन हिनं शिवरायांवरील केलेल्या थट्टेमुळं शिवप्रेमींनी तिला चांगलंच थारेवर धरलं होतं. यानंतर या प्रकरणात मराठी अभिनेत्री हिनं उडी घेतल्यानंतर नव्या वादाला तोंड फुटलं आहे. केतकी चितळेनं फेसबुक पोस्ट करत शिवप्रेमींवर टीका केल्यानंतर तिच्यावर अनेकांनी टीका केली होती. या संदर्भात काही स्क्रिनशॉट्स शेअर करत केतकीनं सत्ताधारी पक्षातील नेत्यानं तिला मेसेज करुन धमकी दिल्याचं म्हटलं आहे. केतकीनं शिवप्रेमी तरुणांसंदर्भात एक पोस्ट फेसबुकवर शेअर केली होती. ही पोस्ट शेअर करत असताना तिनं छत्रपती शिवाजी महाराज यांचा एकेरी उल्लेख केला होता. त्यामुळं तिच्यावर समाजात तेढ निर्माण करत असल्याचे आरोपही करण्यात आले. केतकीनं काही स्क्रिनशॉर्ट्स तिच्या फेसबुक अकाऊंटवर शेअर केले आहेत. कोल्हापुरच्या एका शिवसेनेच्या विभागप्रमुखानं केतकीला धमकी दिल्याचा आरोप तिनं केला आहे. तिनं त्या नेत्यानं पाठवलेल्या मेसेजचा स्क्रिनशॉट्स शेअर करत नेत्यांनाच मराठीचा अर्थ कळत नसल्याचं म्हटलं आहे.'शिवसेना अध्यक्ष प्रमुख आणि तरीही यांना पोस्ट कळली नाही. हे आहेत नेते, ज्यांना मराठी कळत नाही. कळतं काय तर लोकांचे पर्सनल नंबर घेऊन, त्यांच्यावर खोटे आरोप करून, त्यांना धमक्या देणे!', असं तिनं तिच्या पोस्टच्या कॅप्शनमध्ये म्हटलं आहे. मनसेचा केतकी चितळेला इशारा केतकीनं फेसबुक पोस्ट करत शिवप्रेमींवर टीका केल्यानंतर महाराष्ट्र नवनिर्माण सेनेनं तिला चांगलंच खडसावलं आहे. छत्रपती शिवाजी महाराज हे महाराष्ट्राचे आराध्य दैवत आहेत आणि करोडो मावळ्यांच्या मनावर ते राज्य करतात. त्यामुळं कितीही शिकलेले असूद्यात, आपली सदसद्दविवेक बुद्धी जागी ठेवली नाही तर त्या शिक्षणाचा काहीच उपयोग नाही. महापुरुषांबद्दल बोलताना ताळतंत्र पाळलेच पाहिले, असं रुपाली पाटील यांना सांगितलं. महाराजांबद्दल बोलणाऱ्या व्यक्तीला त्याची लायकी दाखवल्या शिवाय शंभर फटके हाणून एक मोजल्या शिवाय राहत नाही. याची दखल उच्च शिक्षण शिकूनही बुद्धी नसलेल्या लोकांनी घ्यावी, असा इशारा देत मनसेच्या नेत्या रुपाली पाटील यांनी तिच्या पोस्टला उत्तर दिलं आहे. काय म्हणली होती केतकी ? शिवाजी, फक्त एवढे ऐकले की आम्ही उगाच पेटून उठणार. मजकूर आम्हाला तसाही कधी कळतच नाही, कारण तेवढी आमची बुद्धीमत्ता मुळातच नाही. मग ३ वर्षाच्या मुलाची बौद्धिक पातळी असलेले स्वघोषित मावळे, शिवाजी हा एक शब्द ओळखतात आणि महाराजांच्या शिकवणीला फाट्यावर मारून, महाराजांच्या नावावर राजकारण करायचा पोकळ विनोद सुरू करतात. बरं, अशा वागण्यानी आपण आपली लायकी दाखवून देतोय हे त्यांच्या लक्षात येत नाहीच. अर्थात हे कळण्यासाठीही नखाएवढी अक्कल लागतेच म्हणा!सोशल मिडीयावर 'मराठी' असा शब्द टाकून वाटेल तसा वणवा, काही लाईक्ससाठी पेटवणारे २० ते २५ वयोगटातील पोरे, ज्यांना खऱ्या आयुष्यात कुणी भाव अथवा नोकरी ही देणार नाही अशी कार्टी, या सर्कस चे रिंग मास्टर असतात.अरे मूर्खांनो, शालेय शिक्षण तरी घ्या! पण ते तरी कसे घेणार, कारण आमचे प्रेरणास्थान तर आर्ची (नाव ही मराठी नाही) आणि पर्शा! आम्ही फक्त भांडण करण्यासाठी महाराज, बाबासाहेब, फुले यांची नावे घेणार, त्यांनी लिहिलेल्या साहित्याचा अभ्यास कोण करणार!! सुधारणा करा बाळांनो, शिका.
from Marathi Bollywood News, Marathi Cinema News https://ift.tt/3iWAgm1
