मुंबई: अभिनेता याच्या आत्महत्येला एक महिना उलटून गेला तरी त्याच्या च्याहत्यांना तो आता या जगात नाहीए यावर विश्वास ठेवणं कठिण जातंय. सुशांतनं आत्महत्या केल्यानंतर त्यामागची कारणं शोधण्याचा प्रयत्न सुरू आहे. सुशांतचा मृत्यू गळफास घेतल्यानंच झाला असल्याचं शवविच्छेदन अहवालातून स्पष्ट झालं आहे. वांद्रे पोलिस ठाण्यात याप्रकरणी अपमृत्यूची नोंद करण्यात आली असली तरी पोलिसांनीही त्यांचा तपास आणि चौकशी सुरू ठेवली आहे. पोलिसांनी अनेक अभिनेते, निर्माते आणि दिग्दर्शकांची झाडाझडती सुरू केली असून सुशांतवर उपचार करणाऱ्या डॉक्टरांची आणि मानसोपचार तज्ज्ञांची चौकशी सुरू केली आहे. सुशांत नेमकी कोणती औषधे घेत होता, त्याचा इलाज कसा सुरू होता, याची माहिती घेण्यासाठी पोलिसांनी या दोन्ही डॉक्टरांची कबुली जबाब नोंदवून घेतले आहेत. सुशांत गेल्या काही महिन्यांपासून डिप्रेशनवर उपचार घेत होता. ज्या मानसोपचार तज्ज्ञांकडे तो उपाचर घेत होता त्यांची चौकशी पोलिसांकडून करण्यात आली. या चौकशीतही अनेक महत्त्वाचे खुलासे समोर आले आहेत.एका मानसोपचार तज्ज्ञांनी सुशांतला बायपोलर डिसॉर्डर हा आजार होता, असं सांगितलं आहे तर सुशांतवर उपचार केलेल्या दुसऱ्या एका मानसोपचार तज्ज्ञांनी सुशांतच्या डिप्रेशनचं कारण समोर आलं नसल्याचं म्हटलं आहे. बायपोकल आजारात व्यक्तीच्या स्वभावात सतत चढउतार पाहायला मिळतात. कधी तो एकदम तणावात असतो तर कधीतरी व्यक्तीचा आत्मविश्वास अचानक वाढतो. डिप्रेशनसाठी उपचार सुरू झाल्यानंतर सुशांतनं अनेक मानसोपचार तज्ज्ञांची भेट घेतली होती. त्यानं एका डॉक्टककडंच उपचार न घेता अनेकदा डॉक्टर बदललेले होते, असंही आता समोर आलं आहे. एखाद्या डॉक्टकडे दोन-तीन वेळा जाऊन आल्यानंतर तो पुन्हा त्यांच्याकडं उपचारासाठी जात नव्हता. तसंच डॉक्टरांनी दिलेली औषधंही तो वेळेवर घेत नव्हता, असं डॉक्टरांनी त्यांच्या जबाबात म्हटलं आहे. पोलिस तपासादरम्यान आणखी एक महत्त्वाची माहिती समोर आली असून सुशांतची आई देखील डिप्रेशनच्या आजारानं ग्रस्त होती. तिच्यावरही दिर्घकाळ उपचार सुरू होते. सुशांत अवघा १६ वर्षांचा होता तेव्हा त्यांचं निधन झालं होतं. सुशांतला चार बहिणी आहेत. चौघींचीही लग्नं झाल्यानं वडिल एकटेच बिहारमधल्या घरी राहायचे. सुशांत एकटा मुंबईत राहायचा. हेच एकटेपण त्याला खायला उठायचं. त्यामुळं त्यांचं डिप्रेशन आणखी वाढतं गेल्याचंही तपासात पुढं आलं आहे. सुशांतनं १४ जून रोजी त्याच्या राहत्या घरी गळफास लावून आत्महत्या केली होती. बराचवेळ दरवाजा वाजवूनही त्यानं दरवाजा न उघडल्यानं त्याच्या नोकरानं घराचा दरवाजा तोडला. त्यावेळी त्याचा मृतदेह पंख्याला लटकलेला आढळला होता.
from Marathi Bollywood News, Marathi Cinema News https://ift.tt/39n2nWX
