दोन दिवसांत चार बडे सिनेमे कल्पेशराज कुबल सिनेमागृहं बंद असल्यामुळे अनेक चित्रपटांनी ओटीटी प्लॅटफॉर्मची वाट धरली आहे. गेल्या आठवड्यापासून एकामागोमाग एक चित्रपटांच्या डिजिटल प्रदर्शनाची घोषणा हिंदी सिनेविश्वात होतेय. बॉक्स ऑफिसवर जसे एकाच दिवशी अनेक प्रदर्शित झाले, की त्यांच्यात टक्कर पाहायला मिळते, तशीच ती आता ओटीटीवरही दिसून येणार आहे. महानायक अमिताभ बच्चन यांचा '' हा चित्रपट थेट 'ओटीटी', अर्थात डिजिटल प्लॅटफॉर्मवर प्रदर्शित झाल्यांनतर येत्या तीन-चार महिन्यांमध्ये तिसऱ्या पडद्यावर बॉलिवूडच्या बड्या चित्रपटांची प्रदर्शनासाठी रांगच लागली आहे. येत्या आठवड्यात दिवंगत अभिनेता सुशांतसिंह राजपूतचा '' चित्रपट प्रदर्शित होतोय. पुढे तब्बल चार चित्रपट प्रदर्शित होणार आहेत. येत्या ३० जुलैला अभिनेता विद्युत जामवालचा 'यारा' हा सिनेमा झी५वर प्रदर्शित होतोय. दुसऱ्याच दिवशी, म्हणजे ३१ जुलैला विद्या बालनचा 'शकुंतला देवी' अॅमेझॉन प्राइम व्हिडीओवर, कुणाल खेमूचा 'लूटकेस' डिस्नी प्लस हॉटस्टारवर आणि नवाजुद्दीन सिद्दिकीचा 'रात अकेली है' नेटफ्लिक्सवर एकाच दिवशी प्रदर्शित होणार आहे. येत्या काही महिन्यांमध्ये अक्षयकुमार, अजय देवगण, आलिया भट, अभिषेक बच्चन, संजय दत्त, वरुण धवन यासारख्या बड्या सिनेकलाकारांचे पाच सिनेमे 'डिस्नी प्लस हॉटस्टार'वर प्रदर्शित होणार आहेत. तर 'नेटफ्लिक्स'वर जान्हवी कपूर, राजकुमार राव, अनिल कपूर, अनुराग कश्यप, काजोल, कोंकना सेन शर्मा, भूमी पेडणेकर, बॉबी देओल, यामी गौतमी, शबाना आझमी यासारख्या कलाकारांचे दहा चित्रपट प्रदर्शित होत आहेत. फर्स्ट डे फर्स्ट शोचं काय?ओटीटीवरचा 'फर्स्ट डे फर्स्ट शो' रात्रौ बाराच्या ठोक्याला होतो. प्रदर्शनाच्या दिवशी रात्री बारा वाजल्यापासून ओटीटीचे उपभोक्ते प्रेक्षक चित्रपट पाहू शकतात. त्यामुळे बॉलिवूडमध्ये वर्षानुवर्ष सुरू असलेलं शुक्रवारच्या 'फर्स्ट डे फर्स्ट शो'चं समीकरण आता बदललं आहे. ओटीटीची व्यापी खूप मोठी आहे. इकडे वेगवेगळ्या प्रकारचे चित्रपट एकाच वेळी उपलब्ध आहेत. एक फिल्ममेकर म्हणून मला नेहमी वाटतं सर्वांचेच सिनेमे चालावे; ते प्रेक्षकांनी पाहावे. माझ्या चित्रपटाबरोबर आणखीन दोन सिनेमेदेखील त्याच दिवशी प्रदर्शित होत आहेत. पण, आता सिनेमागृहाप्रमाणे वेळेची मर्यादा ओटीटीवर नाही. प्रेक्षक कधीही कुठूनही त्यांच्या सोयीस्कर वेळेनुसार चित्रपट पाहू शकतो. त्यामुळे ओटीटी प्रदर्शनात टक्कर झाली, तरी सर्व सिनेमांना न्याय मिळणार. - राजेश कृष्णन, दिग्दर्शक (लुटकेस) ओटीटी स्ट्रीमिंग व्यवसाय हा वेगळा आहे. थिएटरमध्ये जेव्हा एकाच वेळी तीन सिनेमे प्रदर्शित होतात; तेव्हा प्रेक्षकवर्ग विभागला जातो. टीव्हीवरदेखील एकाच वेळी दोन मोठे शो दिसणं टाळलं जातं. परंतु, ओटीटीवर तसं होतं नाही. ज्या दिवशी चित्रपट ओटीटीवर प्रदर्शित होतो, त्याच दिवशी प्रेक्षकांनी तो पाहावा असं नाही. प्रेक्षक कधीही त्यांच्या सोयीनुसार इथे सिनेमा पाहू शकतात. इकडे ओपनिंग नाइटची संकल्पना नाही. तीन वर्षांपूर्वी प्रदर्शित केलेला आशय गेल्या एक-दोन महिन्यात सर्वांधिक पाहिला गेल्याचं आमच्या निदर्शनास आलं आहे. प्रेक्षकांकडे वेगवेगळ्या सिनेमांचे पर्याय असल्यानं त्यांचा फायदा आहे. - मोनिका शेरगिल, व्हीपी, कंटेंट, नेटफ्लिक्स इंडिया ओटीटीवर प्रदर्शित होणारे हिंदी सिनेमे सिनेमा - कलाकार दिल बेचारा - सुशांतसिंह राजपूत यार - विद्युत जामवाल रात अकेली है - राधिका आपटे शकुंतला देवी - विद्या बालन लुटकेस - कुणाल खेमू लक्ष्मी बॉम्ब - अक्षय कुमार भुज - अजय देवगण सडक २ - आलिया भट बिग बुल - अभिषेक बच्चन खुदा हाफिज - विद्युत जामवाल गुंजन सक्सेना - जान्हवी कपूर लुडो - राजकुमार राव तोरबाज - संजय दत्त एके व्हर्सेस एके - अनिल कपूर, अनुराग कश्यप त्रिभंगा - काजोल डॉली किट्टी और वो चमकते सितारे - कोंकना सेन शर्मा, भूमी पेडणेकर क्लास ऑफ ८३ - बॉबी देओल जिनी वेड्स सनी - यामी गौतमी काली खुही - शबाना आजमी सीरियस मॅन - नवाजुद्दीन सिद्दीकी बॉम्बे रोज - गीतांजली राव दिग्दर्शित
from Marathi Bollywood News, Marathi Cinema News https://ift.tt/2ZPmv0W
