मुंबई- फार कमी लोकांना माहीत आहे की नृत्यदिग्दर्शक हा मोठा आहे. शिवावरची त्याची श्रद्धा पाहता त्याने हातावर महादेवाचा मोठा गोंदवून घेतला. या टॅटूमध्ये शिवाचा तिसरा डोळा आणि त्रिशूल दाखवण्यात आले आहे. वृत्तवाहिनीला दिलेल्या एका मुलाखतीत त्याने सांगितले की लॉकडाउनच्याही आधीपासून शिवाचा टॅटू गोंदवून घेण्याची त्याची इच्छा होती. पण कामाच्या व्यापामुळे त्याला शक्य झालं नाही. यानंतर करोनामुळे देशभरात लॉकडाउन सुरू झालं. रेमो म्हणाला की, 'मी आणि महादेवाचा फार मोठा भक्त आहे. गणपतीचा टॅटू तर मी फार आधीच गोंदवून घेतला होता. आता माझी इच्छा हातावर शिवाचा टॅटू करण्याची होती. सततच्या शूटमुळे मला वेळ मिळत नव्हता. नंतर थोडा वेळ मिळाला तर करोनामुळे लॉकडाउन सुरू झालं. सर्वजण घरात बंद झाले. मात्र काही दिवसांनी जेव्हा थोडसं लॉकडाउन उघडलं तेव्हा मी माझ्या मित्राला टॅटू काढण्याबद्दल सांगितलं. कारण मला माहीत होतं की एकदा लॉकडाउन पूर्ण उघडलं तर माझं काम पुन्हा सुरू होणार आणि मला वेळ मिळणार नाही. शिवच्या कृपेने अखेर हा टॅटू तयार झाला. चाहत्यांसह सिनेसृष्टीतील अनेकांना हा टॅटू आवडला.' रेमो डिसूजाच्या कामाबद्दल बोलायचे झाले तर 'एबीसीडी', 'एबीसीडी २' आणि स्ट्रीट डान्सर ३डी या सिनेमांचं दिग्दर्शन त्याने केलं आहे. याशिवाय सरोज खान यांच्या जीवनावर सिनेमा तयार करणं हे त्याचं ड्रिम प्रोजेक्ट आहे. याबद्दल त्याने कलंक सिनेमाच्या चित्रीकरणादरम्यान सरोज खान यांच्याशी चर्चाही केली होती. रेमो म्हणाला की, 'कलंक सिनेमातील एका गाण्यावर मी आणि सरोजजी काम करत होतो. तेव्हा मी त्यांना बायोपिकबद्दल सांगितलं. तुमचं आयुष्य नेहमीच प्रेरणादायी राहिलं आहे आणि एका महिलेने सिनेसृष्टीत वर्षांनूवर्ष राज्य केलं. हा एक चांगला फिमेल ओरिएण्टेड सिनेमा होऊ शकतो असंही मी त्यांना म्हणालो. या विषयावर आमच्या चर्चा होत असतानाच कोविड आलं आणि नंतर सरोजजी यांच्या निधनाची वार्ता आली.' सरोज खान यांच्या निधनानंतर एका मुलाखतीत त्यांची छोटी मुलगी सुकैना नागपालने सांगितले की, सरोज यांच्या बायोपिकबद्दल बाबा यादव यांची पत्नी, कुणाल कोहली आणि रेमो डिसूजा या तिघांनी बायोपिक तयार करण्याची इच्छा बोलून दाखवली होती. पण आईने रेमोची निवड केली. याचं मुख्य कारण म्हणजे दोघंही एकाच फिल्डचे आहेत आणि रेमोनेही यश मिळवण्यासाठी प्रचंड मेहनत केली. याचमुळे सरोज यांनी रेमोची निवड केली होती.
from Marathi Bollywood News, Marathi Cinema News https://ift.tt/3jp7v1r
